Amainhama 43:30 - Baibuli Ekibono kya Katonda 2014

³⁰ Yosefu yaavaagho mangu, kuba omwoyo gwe gwamulumira muganda we. Kale yanoonia gh'anaalirira amaziga. Agho yaingira mu kisenge kye yaalirira omwo.

Amainhama 43:30 ပူးပေါင်းရင်းမြစ်များ

Amainhama 42:24

Agho Yosefu yaava ghe bali, yaaja, yaalira amaziga. Bwe yawoleera, yairayo ye bali, yaayogera nabo. Era yaalondamu Simeoni, yaamusiba nga babona.

Amainhama 45:2

Yaawowoola inho, n'Abamisiri baawulira, era n'ab'omu kisaagaati kya kyabazinga baakimanhaku.

Amainhama 46:29

Yosefu yaategeka ekigaali kye eky'omu lutalo, y'aja e Gosheni okwagaanana ni Isiraeli ise. Bwe baayagaanana, Yosefu yaagwa ise mu kifuba, era yaalira amaziga okumala entangama.

1 Bakyabazinga 3:26

Agho inhina w'omwana omulamu, omwoyo gwamulumira omwana we, yaakoba kyabazinga ati: “Isebantu kyabazinga, omwana mutamwita. Mumumughe nga mulamu.” Aye omukazi ole owundi yaakoba ati: “Taidha kuba wange oba wuwo mumutugabaniemu.”

Yeremia 31:20

Iwe Isiraeli, niiwe mutabane wange andeetera okusangaala, omwana ye nsinga kugonza. Waire ni bwe nkunenia, era nsigala nga nkaakulowooza, naakulumirwa omwoyo, era nakugemerwa ekivunika.

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Ebikolwa by'Abatume 20:19

Naagheereza Musengwa n'obugonvu bwonabwona era n'amaziga, n'okulebwa okwantuukaku olw'Abayudaaya okuneeteega.

Ebikolwa by'Abatume 20:31

Kale ni mwekuume era mwidhukire nga namala emyaka esatu nga tiyosa omusana n'obwire okubalabula, kiisi mulala mu imwe nga bwe ndira n'amaziga.

Ebikolwa by'Abatume 20:37

Boonaboona baalira, baamwevumba, baamunhwegera.

Ab'e Filippi 1:8

Katonda n'omudhulirwa wange akakasa nga bwe mbalumirwa omwoyo mwenamwena mu kugonza kwa Kurisito Yesu.

Ab'e Filippi 2:1

Okuba mu Kurisito kibagumya? Okugonza kwe kubagha amaani? Mwisa ekirala ni Mwoyo wa Kurisito? Buli muntu agemerwa mwine ekisa era yaamusaasira?

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

2 Timotheo 1:4

Ndidhukira bukalamu amaziga go, era buli kaseera naayenda inho nkuboneku memale nsangaale.

1 Yoanne 3:17

Omuntu yeenayeena ali n'ebirungi eby'omu nsi muno n'abona muganda we ng'ali mu bwetaavu aye n'atamulumirwa naire, okugonza kwa Katonda kusobola kutya okuba mu muntu oyo?