Amainhama 43:29 - Baibuli Ekibono kya Katonda 2014

²⁹ Agho Yosefu bweyalinga ati yaabona muganda we Benjamini, omwana wa inhina, yaakoba ati: “Ono ni muganda waimwe asembayo obuto ye mwankoberaku.” Yaakoba Benjamini ati: “Katonda akugemerwe ekivunika, mwana wange!”

Amainhama 43:29 ပူးပေါင်းရင်းမြစ်များ

Amainhama 35:24

Batabane ba Rakeli ni bano: Yosefu, ni Benjamini.

Amainhama 42:11

Twenatwena tuli baana ba musaadha mulala. Ife abagheereza bo tuli bantu beesimbu, tituli bakeesi.”

Amainhama 42:13

Baakoba bati: “Ife abagheereza bo, twali aboluganda ikumi na babiri, nga tuli baana ba musaadha mulala mu nsi ey'e Kanaani. Muganda waife mulala takaaligho, ate ole asembayo obuto, asigaireyo ghalala n'iseife.”

Amainhama 44:21

Agho, iwe waatukoba ife abairu bo oti, ‘Mumundeetere mmuboneku.’

Amainhama 45:8

Kale ni ti niimwe mwansidika eno, aye Katonda n'eyansindika. Era yanfuula omukungu ow'oku ntwiko owa kyabazinga w'ensi eno, alabirira ebibye byonabyona, era omukulu afuga ensi yoonayoona ey'e Misiri.

2 Ebyomubyanda 29:11

Baana bange, mutalwa naire, kuba Musengwa Katonda abalonze okwemereranga mu maiso ge, mumugheereze nga mumusinza era nga mumuniokeza obubbaani.”

Zabbuli 111:4

Musengwa Katonda by'akola byewuunhisa, tabiganha kwerabirwa; wa kivunika era musaasizi.

Zabbuli 112:4

Obutangaavu bwidha mu nzikiiza bwamuliikirira abo abatya Katonda, era bwayakira abo ab'ekivunika, abasaasizi era abatuufu.

Zabbuli 67:1

Wo Katonda waife, tugemerwe ekivunika, otughe enkabi; tulingeku n'amaiso ag'ekisa.

Isaia 30:19

Imwe abantu ababa mu Yerusalemu, timukairamu kabiri kulira maziga. Oluliba okulira muti, nga Musengwa Katonda abagemerwa kivunika ng'awuliire okulira kwaimwe, ng'abagha kye mumusabye.

Isaia 33:2

Wo Musengwa Katonda, tugemerwe ekivunika, kuba eisuubi lyaife liri mu iwe. Tukuumenga buli kaakyeire, era otulokolenga mu biseera ebizibu.

Malaki 1:9

Imwe bakabona, ni bwemweghemba einho Katonda atugemerwe ekivunika, aye nga mumugheereiza ekigheebwayo ng'oti n'ekyo, ghaligho y'anaasiimaku ku imwe waire omulala ati?

Okubala 6:25

Musengwa Katonda abenga wa kisa y'oli era akugemerwenga ekivunika;

Matayo 9:2

Tibwalwa, nga bamuleetera omuntu eyagogoma, ng'alambaire ku ndiri. Yesu bwe yabona okwikiriza kwaibwe, yaakoba omugogomu ati: “Guma omwoyo mwana wange, ebibi byo bikusoniyiibwa.”

Matayo 9:22

Yesu bwe yakyuka yaamubona, yaakoba ati: “Mughala iwe guma omwoyo okwikiriza kwo kukuwoniiza.” Era ku saawa eyo yeene omukazi yaawona.

Mariko 10:24

Abeegeresebwa be beewuunhia ebibono ebyo. Aye Yesu yaabakoba ati: “Baana bange, nga kikalangufu okutuuka mu Bwakyabazinga bwa Katonda.

1 Timotheo 1:2

Mpandiikira Timotheo, omwana wange mwenemwene mu kwikiriza. Katonda Lata, ni Kurisito Yesu Musengwa waife akughe enkabi n'emiraala, era akusaasire.

Abaheburayi 13:1

Mujenga mu maiso n'okugonzania ng'aboluganda mu Kurisito.

Yoshua 7:19

Yoshua kyeyava naakoba Akyani ati: “Mwana wange, yogera amazima mu maiso ga Musengwa Katonda, Katonda wa Isiraeli weenenie. Nkobera kye wakola otakingisa.”