Amainhama 42:6 - Baibuli Ekibono kya Katonda 2014

⁶ Yosefu n'eyali omufuzi w'ensi Misiri, era n'eyaguzanga engaano abantu boonaboona abaavanga woonawoona mu nsi. Kale baganda be baidha, baakuba amakiryaivu mu maiso ge, nga n'obweni butuuse ku itaka.

Amainhama 42:6 ပူးပေါင်းရင်းမြစ်များ

Amainhama 18:2

Bwe yalinga ati, yaabona abasaadha basatu nga beemereire agho. Era olwababona ati, yaayangughaku okuja okubasangaaza. Agho yaakutama n'ekyeni kyatuuka ku itaka,

Amainhama 19:1

Bamalaika ababiri bwe baatuuka e Sodoma eigulo eryo, Loti yali ng'atyaime ku mulyango gwa Sodoma. Olwababona ati, yaasituka okuja okubasangaaza. Yaakutama n'ekyeni kyatuuka ku itaka,

Amainhama 33:3

Mwene yaabakulemberamu, yaaja ng'akuba amakiryaivu emikuzi musanvu okutuusa lwe yatuuka ku muganda we.

Amainhama 41:43

Yaamugha ekigaali kye eky'omu lutalo ekyokubiri yaatambuliramu, era baaja nga balangirira emberi we bati: “Mukube amakiryaivu.” Atyo kyabazinga yaagha Yosefu okufuganga ensi yoonayoona ey'e Misiri.

Amainhama 41:54

Era emyaka omusanvu egy'endhala gyatoolera nga Yosefu bweyakoba. Endhala yaagwa mu nsi dhoonadhoona, aye mu nsi ey'e Misiri ng'emere eriyo.

Amainhama 41:57

Abantu baavanga mu nsi edhindi dhoonadhoona, baaja mu Misiri eri Yosefu okugula engaano, kuba endhala yali ya maani inho woonawoona.

Amainhama 44:14

Yuda ni baganda be bwe baatuuka mu ndhu ya Yosefu, baayagaana ng'akaalimu, baakuba amakiryaivu mu maiso ge.

Amainhama 45:26

Baamughayira bati: “Yosefu akaali mulamu, era n'afuga ensi yoonayoona ey'e Misiri.” Yakobo omwoyo gwamwezinduka era yaaloba kwikiriza kye bakoba.

Amainhama 45:8

Kale ni ti niimwe mwansidika eno, aye Katonda n'eyansindika. Era yanfuula omukungu ow'oku ntwiko owa kyabazinga w'ensi eno, alabirira ebibye byonabyona, era omukulu afuga ensi yoonayoona ey'e Misiri.

Amainhama 48:12

Agho Yosefu yaabatoola ku makiryaivu ga Isiraeli, era yaakuba amakiryaivu n'obweni bwatuuka ku itaka.

Ensambo 11:26

Omuntu aloba okuguza baine emere, abantu bamukolimira, aye ole aganha okugibaguza bamusabira enkabi.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Ebikolwa by'Abatume 7:10

Katonda yaamubisa mu bizibu byonabyona yaamugha amagezi n'okugonga eri Farao, kyabazinga wa Misiri eyamugha obwami mu Misiri n'okufuga ebintu bye byonabyona.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.

1 Samueli 20:41

Omwisuka olwamala okuja ati, Daudi yaasituka okuva einhuma w'emungo ey'amabaale. Yaakutama n'ekyeni kyatuuka ku itaka emikuzi esatu, ng'ali ku makiryaivu. Agho baanhwegeragana bombi nga bwe balira, okutuusa Daudi bwe yamala n'aguma.