Amainhama 42:38 - Baibuli Ekibono kya Katonda 2014

³⁸ Aye Yakobo yaakoba ati: “Omwana wange taidha kuja n'imwe, kuba muganda we yafa, era mpegaano ni yenka asigairegho. Akabi bwe kalimutuukaku mu lugendo lwe muja okutambula, olwo muliba mundeeteire obughafu obulindhita nze omukaire.”

Amainhama 42:38 ပူးပေါင်းရင်းမြစ်များ

Amainhama 37:33

Yakobo yaakitegeera era yaakoba ati: “Kino n'ekivaalo ky'omwana wange. Ensolo ey'omu nsiko yamulya. Bwenebwene omwana wange Yosefu ensolo yamukankanula!”

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

Amainhama 42:13

Baakoba bati: “Ife abagheereza bo, twali aboluganda ikumi na babiri, nga tuli baana ba musaadha mulala mu nsi ey'e Kanaani. Muganda waife mulala takaaligho, ate ole asembayo obuto, asigaireyo ghalala n'iseife.”

Amainhama 42:37

Reubeni yaakoba ise ati: “Iwe ngemya Benjamini, ndidha kumwiza y'oli. Aye bwe ntamwizanga y'oli, oitanga batabane bange bombi.”

Amainhama 42:4

Aye Yakobo yaaloba kutuma Benjamini, muganda wa Yosefu, ghalala ni baganda be. Kuba yatya ati akabi kasobola okumutuukaku.

Amainhama 43:13

Era mutwale ni muganda waimwe, mukole mwireyo eri omusaadha oyo.

Amainhama 44:20

Twakwiramu tuti, ‘Tuliyo n'iseife era nga mukaire, ni muganda waife omuto, eyazaalibwa nga iseife akairiighe. Muganda w'omwana oyo yafa, era oyo ni yenka asigairegho ku baana ba inhina, era ise amwenda inho.’

Amainhama 44:22

Ife twakukoba, iwe musengwa wange, tuti, ‘Omwisuka tasobola kuva ghali ise, kuba bw'amuvaaku, ise aja kufa.’

1 Bakyabazinga 2:6

Kale ni okolanga nga bw'oidhi. Otalobanga kumwita, ni bw'aliba nga mukaire wa nvu.

Yobu 41:32

Mu maadhi gh'ebise, erekamu okwesiikuula okweru, kyaba ng'oti entobo y'enhandha emeze envu.

Zabbuli 71:18

Wo Katonda wange, ni bwendikairigha ni mmera envu, otandekuliranga agho, okutuusa nga nkobeire abantu amaani go n'obukumu bwo, ense dhoonadhoona edhija okwiragho.

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Omulangirizi 1:14

Nalingirira ebintu byonabyona ebikolebwa ku nsi, naabona nga byonabyona biziramu muganhulo, nga kuli ng'oti kubinga mpewo ogigeme.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Isaia 38:10

“Nali nkoba nti nja kufiira mu maani ghagati, nje bansibire e magombe nga nkaali kumalayo myaka gya bulamu bwange.

Isaia 46:4

Ni bwe mulikula ni mukairigha ni mumera n'envu, era ndidha kubalabiriranga. Ninze eyabatonda, era ndidha kubakuumanga mbayambe mbalokole.