Amainhama 42:28 - Baibuli Ekibono kya Katonda 2014

²⁸ Yaakoba baganda be ati: “Empiiya dhange badhindhiriiza, dhiidhino mu nsawo yange.” Bwe baabona kino emyoyo gyabatyemuka, batengera, baakoba bati: “Kiki kino Katonda ky'atukoze?”

Amainhama 42:28 ပူးပေါင်းရင်းမြစ်များ

Amainhama 27:33

Isaaka yaadhugumira inho, yaabuuza ati: “Ate ole abaire nga naani, eyayiize ensolo, n'andeetera emamba ni ndya, ng'okaali kwidha, era ni mmusabira enkabi? Era bwenebwene aligheebwa enkabi.”

Amainhama 42:29

Bwe baatuuka eri Yakobo iseibwe, mu nsi ey'e Kanaani, baamukobera byonabyona ebyabatuukaku. Baakoba bati:

Amainhama 42:36

Iseibwe Yakobo yaakoba ati: “Muumazeeku abaana bange: Yosefu takaaligho, ni Simeoni takaaligho. Era mpegaano mwenda kuntoolaku ni Benjamini. Ebyo byonabyona birumya mulala nze!”

Amainhama 43:23

Omugheereza yaakoba ati: “Mulobe kweraliikirira era mulobe kutya. Katonda waimwe era Katonda wa iseimwe, ateekwa okuba nga n'eyabateera empiiya edho mu nsawo dhaimwe. Nze nafuna empiiya dhe mwasasula.” Agho yaabaleetera Simeoni.

1 Bakyabazinga 10:5

n'emere ye yagabulanga ku meeza ye, n'ensambo abakungu be ye baatyamangamu, n'ensambo abagheereza be ye baagheerezangamu nga bali mu bivaalo byaibwe, n'abo abaagheerezanga eby'okunhwa. Era yaabona n'ebigheebwayo ebyokebwa Solomoni bye yaghangayo mu isinzizo. Ebyo byonabyona byamwewuunhisa inho ekibitiriire.

Zabbuli 61:2

Ndi kukwetera eno eghala ng'omwoyo gunziriike. Nginga ontwale mu kifo kye naabaamu nga nzira kutya;

Olwembo 5:6

Naiguliragho omugonzi wange, aye nga yaviiregho ira yaaja! Neegomba mpulireku ng'ayogera, era naamunoonia aye nga timubona. Naamweta aye nga tandhiramu.

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Okulira 3:37

Naani asobola okulagira ekintu ni kibaagho okutoolaku nga Musengwa n'asazeegho kibeegho?

Abalevi 26:36

“Abo ku imwe abanaabanga nga batwaliibwa mu bunhage mu nsi y'abazigu baimwe, nnaabaleetangamu okutya, nga n'eikaba obukaba erifuuyibwa empewo bwe baliwulira balumuka. Banaalumukanga ng'oti ni be bali kubingirira mu lutalo, era banaagwanga nga ghazira n'ali kubabinga.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Luka 21:26

Abantu balizirikaku olw'okutya nga balinda ebyo ebiri kwidha ku nsi, kuba amaani ag'omu igulu galitengeesebwa.

Amateeka Agokubiri 28:65

Era nga muli mu maghanga ago timulityama ni mutereera naire oba okubaaku ni ghe mweta aghaimwe. Aye Musengwa Katonda alibaleetera okutya, n'okweraliikirira, n'okuwaamu eisuubi.