Amainhama 42:22 - Baibuli Ekibono kya Katonda 2014

²² Reubeni yaabakoba ati: “Nze tinabakoba nti omwana mutamukolaku kabi, aye imwe ni muloba kuwulira? Mpegaano kye tuva tuli kubonerezebwa olw'okufa kwe.”

Amainhama 42:22 ပူးပေါင်းရင်းမြစ်များ

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Amainhama 42:23

Tibaamanha nga Yosefu yategeera bye baayogera, kuba baayogeranga naye nga ghaligho abavuunulira.

Amainhama 45:3

Yosefu yaakoba baganda be ati: “Ninze Yosefu! Lata wange akaali mulamu?” Aye baganda be baatya inho okubona nga beemereire mu maiso ge, era baaloba kusobola kumwiramu.

Amainhama 50:15

Baganda ba Yosefu bwe baabona nga iseibwe amaze okufa, baakoba bati: “Tomanha Yosefu bw'atukyagha, ni yeesasuuza olw'ebibi bye twamukola!”

1 Bakyabazinga 2:32

Musengwa Katonda aidha kumubonereza ng'amulanga ebikolwa bye eby'ekitemo, kuba yaita abasaadha babiri nga lata wange Daudi taidhi. Abasaadha abo baali batuufu era nga bali n'ebisaanizo okumusinga, era nga ni bano: Abuneri mutabane wa Neri era omuduumizi w'eigye lya Isiraeli, ni Amasa mutabane wa Yetheri era omuduumizi w'eigye lya Buyudaaya.

1 Bakyabazinga 2:33

Yoabu n'eizaire lye baidha kubonerezebwanga enaku dhoonadhoona, nga babalanga olw'okwita abantu abo. Aye Daudi n'eizaire lye era n'abasika be ku kityamo kye eky'obwakyabazinga, Musengwa Katonda aidha kubaghanga emiraala enaku dhoonadhoona.”

2 Ebyomubyanda 24:22

Mu ngeri eyo kyabazinga Yoashi yaaloba kwidhukira ekisa Yehoiada kye yamukolera, yaita Zekaria mutabane wa Yehoiada oyo. Zekaria bweyali ali kumpi okufa, yaakoba ati: “Musengwa Katonda agwananga yaabona kino ky'okoze, yaakwesasuulizaaku.”

Zabbuli 9:12

Musengwa Katonda afaayo inho ku abo abadaazibwadaazibwa, era tasiriikirira kulira kwaibwe. Yeesasuuza olw'omusaayi gwaibwe ng'abonereza abo ababaita.

Ezekieli 3:18

Bwe nkoba omuntu omukozi w'ebibi nti, ‘Bwenebwene oidha kufa,’ aye iwe n'otalabula muntu oyo kuva mu bibi bye asobole okuwonia obulamu bwe, omuntu oyo alifiira mu bibi bye. Aye omusango ogw'okufa kwe ndiguta ku iwe.

Luka 23:41

Ife tuli kusasulwa olw'ebyo bye twakola, aye mwene azira kibi kye yaali akoze.”

Ebikolwa by'Abatume 28:4

Abataka bwe baabona ng'omusota gulengeedhera ku mukono gwe baakoba bati: “Bwenebwene omuntu ono mwisi. Waire awonie enhandha Omusango gumunonereiza.”

Ab'e Roma 2:15

Ebikolwa byaibwe byoleka ng'Amateeka kye galagira kighandiikibwa mu myoyo gyaibwe. Kino emyoyo gyaibwe gyona gikikakasa nga kituufu, kuba ebidhuubo byaibwe, emikuzi egindi bibavunaana omusango ate emikuzi egindi bibawolereza.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

Okwolekebwa 16:9

Abantu baayokebwa n'omuliro ogw'amaani einho, baavuma eriina lya Katonda ali n'obuyinza ku bibamba ebyo, era baaloba kwenenia na kumusaaka.

1 Samueli 19:4

Agho Yonathani yaayogera bukalamu ku Daudi ng'ali n'ise Saulo. Yaakoba ati: “Lata wange kyabazinga, togwaine kukola kabi ku Daudi, kuba mwene takukolangaku kabi, era ebintu by'abairenga akukolera bibaire bikalamu byereere.