Amainhama 41:54 - Baibuli Ekibono kya Katonda 2014

⁵⁴ Era emyaka omusanvu egy'endhala gyatoolera nga Yosefu bweyakoba. Endhala yaagwa mu nsi dhoonadhoona, aye mu nsi ey'e Misiri ng'emere eriyo.

Amainhama 41:54 ပူးပေါင်းရင်းမြစ်များ

Amainhama 41:27

Era n'ente omusanvu embi era ensowofu, edhairirira dhire edhaasooka, era n'obufaaganda omusanvu obw'engaano obuziramu mpeke, obubabwirwa empewo eva mu irungu, ebyo bitegeeza myaka musanvu egy'endhala.

Amainhama 41:30

Egyo nga gibiseegho, ghalibaagho emyaka musanvu egy'endhala. Era ebiseera eby'omwero biryerabirwa mu nsi y'e Misiri, endhala yaazikiriza ensi.

Amainhama 41:53

Emyaka omusanvu egy'omwero ogwabaagho mu nsi ey'e Misiri, gyawaaku.

Amainhama 42:2

Mpuliire nga mu Misiri eriyo engaano. Mujeeyo, mutugulireyo ku ngaano enaatubeesaagho, tulobe kufa ndhala.”

Amainhama 43:1

Endhala yeeyongera inho okuluma abantu mu nsi ey'e Kanaani.

Amainhama 45:11

Ndidha kukulabiriranga ng'oli eyo, iwe n'ab'omu ndhu yo, ni byonabyona by'oli nabyo, mulobe kulambuka, kuba ekaasigaireyo emyaka egindi etaanu egy'endhala.’ ”

Amainhama 47:13

Endhala yeeyongera okuluma einho, emere yaabula mu nsi yoonayoona. Abantu ab'omu Misiri n'ab'omu Kanaani baagoogomba olw'endhala.

2 Bakyabazinga 8:1

Elisha yali akobye omukazi Omushunami mwene mwana Elisha oyo ye yaizaamu obulamu, ati: “Kola oje n'ab'endhu yo, obone y'onaaghanga okusenga, kuba Musengwa Katonda aja kusindika endhala ku nsi emale emyaka musanvu ng'eri kuluma.”

Zabbuli 105:16

Bwe yabaleetera endhala okugwa mu nsi mwe baali, n'ababuzaaku kiisi kantu koonakoona akasobola okuliibwa,

Ebikolwa by'Abatume 7:11

Ghaagwagho endhala n'okudaagadaaga einho mu Misiri mwonamwona ni mu Kanaani, badhaadha baife baabulwa emere ye balya.