Amainhama 41:49 - Baibuli Ekibono kya Katonda 2014

⁴⁹ Yosefu yaatereka engaano kamaala inho ng'oti n'omusenho ogw'enhandha era yaalekera agho n'okugipima, kuba yali tekaapimika.

Amainhama 41:49 ပူးပေါင်းရင်းမြစ်များ

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 41:48

Yosefu yaagisolozanga yoonayoona, yaagiterekanga mu bibuga. Yaaterekanga mu buli kibuga emere eyalimwanga mu nimiro edhikyezungulwire.

Amainhama 41:50

Emyaka egy'endhala nga gikaali kutuuka, Yosefu yaazaala abaana babiri abalenzi mu Asenathi mughala wa Potifera kabona ow'e Oni.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Zabbuli 78:27

Olwo emamba yaamagalika enhonhi dheene enhingi ng'oti musenho gwa ku nhandha.

Yeremia 33:22

Ng'emuunienie edh'oku igulu bwedhitabalika, era ng'omusenho ku mbali kw'enhandha bwe gutapimika, zeena ntyo bwe ndireetera baidhukulu ba Daudi omugheereza wange, ni bakabona ab'omu kika kya Levi, okuba abangi einho.”

Abalamuzi 6:5

Baidhanga n'ente dhaibwe, n'egamiya dhaibwe, n'eweema dhaibwe, nga bangi ng'oti nzige. Beene ghalala n'engamiya dhaibwe nga tibabalika olw'obungi. Agho baaja nga bazikiriza ensi eyo buli ghe baabitanga.

Abalamuzi 7:12

Abamidia, n'Abamaleki, n'abatyamye b'e buvandhuba, baali nga bamaze okwidhula woonawoona mu kiiko. Nga bali kamaala ng'oti nzige, era nga engamiya dhe bali nadho tidhibalika ng'oti n'omusenho ku bukalu bw'enhandha.

1 Samueli 13:5

Agho Abafilisiti beesoloza okulwanisa Abaisiraeli. Baali n'ebigaali eby'omu lutalo emitwalo esatu (30,000), n'abalwani kakaaga (6,000) ab'oku mbalaasi, era n'abalwani abaali abangi ng'oti musenho oguba ku mbali kw'enhandha. Abalwani Abafilisiti abo, baaja baasimba weema dhaibwe e Mikamashi, ku luuyi olw'e bugwandhuba wa Bethaveni.