Amainhama 41:42 - Baibuli Ekibono kya Katonda 2014

⁴² Kyabazinga yaatoola ku lwala empeta ye eriku akamanhiso ak'obwakyabazinga, yaagivaaza Yosefu ku lwala. Yaamuvaaza ekivaalo ekighegheevu, era yaamuvaaza mu nkoto omukuufu ogwa zaabu.

Amainhama 41:42 ပူးပေါင်းရင်းမြစ်များ

Amainhama 38:18

Yuda yaamubuuza ati: “Musingo ki gwembe nkughe?” Ole yairamu ati: “Akamanhiso ko, n'olusibiro lwaku, n'omwigo gwo ogw'omu ngalo.” Yaabimugha, yaaba naye mu buliri era Tamari yaatoola enda.

Amainhama 41:43

Yaamugha ekigaali kye eky'omu lutalo ekyokubiri yaatambuliramu, era baaja nga balangirira emberi we bati: “Mukube amakiryaivu.” Atyo kyabazinga yaagha Yosefu okufuganga ensi yoonayoona ey'e Misiri.

Zabbuli 73:6

Kyova okwekuluntaza kwaibwe kuboneekerera ng'oti n'ebinhere eby'omu nkoto, n'ebikolwa byaibwe eby'obukambwe ni bibabwikirira ng'oti kivaalo.

Ensambo 1:9

kuba biwoomya empisa dho, ng'oti n'ekitambaala ekidholige eky'oku mutwe n'ebinhere eby'omu nkoto, bwe biwoomya abivaire.

Ensambo 31:22

Yeekolera mwene emyebwiko, era yaavaala engoye empegheevu n'edha nakasooma.

Ensambo 31:24

Omukazi oyo atunga engoye empegheevu yaadhitunda yaakola ensibiro yaadhiguza abasuubuzi.

Olwembo 1:10

Amatama go gaboneka bulungi n'ebyamadholobera ebigalengeedheraku nga biri ku nviiri, ni mu nkoto yo mwabaamu ebinhere ebyakolebwa mu mabaale ag'omughendo.

Olwembo 4:9

Mwanhinaze iwe omugole wange, ontwaliriiza omwoyo. Ontwaliriiza omwoyo olw'eriiso ly'oninzeeku, n'olw'ekinhere ekikuli mu nkoto.

Isaia 3:23

n'embonerwamu dhe beeboneramu, n'engoye dhe baaluka ng'oti butimba n'edho empegheevu, n'ebitambaala eby'oku mutwe, n'engoye edh'okweghemberera.

Yeremia 52:33

Yehoiakini baamuganha okutoolamu ebivaalo by'eikomera, era buli lunaku yaaliiranga ku kiiwulo kya kyabazinga.

Ezekieli 27:7

Baakola amatanga go mu ngoye edhaalukibwa obukalamu einho edhaavanga e Misiri. Amatanga ago nga n'agakola nga bendera yo. Baakughembaku engoye enungi edh'erangi ya bbululu n'edh'eya nakasooma, okuva mu bizinga eby'e Elisha.

Danieli 5:16

Aye mpuliire mbu iwe osobola okuvuunula amakulu ag'omunda einho n'okwinhonhola ebintu ebizibu ebyagisibwa. Kale bw'onaasobola okusoma ekighandiiko ekyo, n'onkobera amakulu gaakyo, baidha kukuvaaza engoye edh'erangi ya nakasooma, bakute n'omukuufu ogwa zaabu mu nkoto, era bakukuze obe omufuzi ow'eidaala eryokusatu mu bwakyabazinga bwange.”

Danieli 5:29

Agho Beleshazzari yaalagira baavaaza Danieli engoye edh'erangi ya nakasooma, baamuta n'omukuufu ogwa zaabu mu nkoto, era yaamukuza okuba omufuzi ow'eidaala eryokusatu mu bwakyabazinga.

Danieli 5:7

Yaayasiikana yaayetesa abalaguzi, abasamize, ab'amaghembe, n'abo abeetegereza ebiri ku igulu. Abagezigezi abo ab'omu Babiloni bwe baatuuka, kyabazinga yaabakoba ati: “Omuntu yeenayeena anaasoma ekighandiiko ekyo, n'ankobera amakulu gaakyo, baidha kumuvaaza engoye edh'erangi ya nakasooma, bamute n'omukuufu ogwa zaabu mu nkoto, era bamukuze abe omufuzi ow'eidaala eryokusatu mu bwakyabazinga bwange.”

Luka 15:22

Aye ise yaakoba abagheereza be ati, ‘Muleete mangu ekivaalo ekisinga bukalamu mumuvaaze, mumuteeku empeta ku ngalo, mumuvaaze n'engaito.

1 Samueli 18:4

Yonathani yaatoolamu ekanzu ye yali avaire, yaagigha Daudi, yaamugha n'ekivaalo kye eky'omu lutalo, n'empiima ye, n'akalaso ke, era n'olusibiro lwe.