Amainhama 41:41 - Baibuli Ekibono kya Katonda 2014

⁴¹ Agho kyabazinga yaakoba Yosefu ati: “Bona, mpegaano nkutairegho ofugenga ensi eno Misiri yoonayoona.”

Amainhama 41:41 ပူးပေါင်းရင်းမြစ်များ

Amainhama 39:22

Era omukuumi w'eikomera oyo yaagemya Yosefu abasibe boonaboona okubalabiriranga, era yaamugha obuvunaanizibwa ku kiisi kikolebwa mu ikomera.

Amainhama 39:5

Okuva ku olwo, Musengwa Katonda yaagha enkabi amaka g'Omumisiri oyo n'ebibye byonabyona, bye yali nabyo mu ndhu ye ni mu nimiro. Musengwa yakola kino ku lwa Yosefu.

Amainhama 41:44

Kyabazinga yaakoba Yosefu ati: “Ninze kyabazinga, era mu nsi eno Misiri ghazira muntu waire omulala ati aligolola mukono gwe, oba okusitula ekigere kye nga tomwikiriiza.”

Amainhama 42:6

Yosefu n'eyali omufuzi w'ensi Misiri, era n'eyaguzanga engaano abantu boonaboona abaavanga woonawoona mu nsi. Kale baganda be baidha, baakuba amakiryaivu mu maiso ge, nga n'obweni butuuse ku itaka.

Amainhama 45:8

Kale ni ti niimwe mwansidika eno, aye Katonda n'eyansindika. Era yanfuula omukungu ow'oku ntwiko owa kyabazinga w'ensi eno, alabirira ebibye byonabyona, era omukulu afuga ensi yoonayoona ey'e Misiri.

Zabbuli 105:21

Yaagha Yosefu oyo okukuumanga amaka ge goonagoona, yaamugha okulabiriranga ebibye byonabyona.

Ensambo 17:2

Omugheereza akola emirimo obukalamu alifuga omwana waagho akola ebiswaza, era alifuna omugabo ogw'obusika.

Ensambo 22:29

Omuntu akola omulimo gwe obukalamu aba nga takaali mu bantu babuliidho, aba agwanira kuba mu bakyabazinga.

Omulangirizi 4:14

Omuntu asobola okuzaalibwa mu nsi ye nga mwavu oba yaaviira mu ikomera, yaafuuka kyabazinga.

Danieli 2:48

Agho kyabazinga yaafuula Danieli omuntu omukologho era yaamugha ebirabo ebirungi einho kamaala. Yaamugha okufuga ekiketezo kyonakyona eky'e Babiloni, era yaamufuula omukulu ow'abagezigezi boonaboona ab'omu Babilonia.

Danieli 6:3

Mu kiseera kitono kiti, Danieli oyo yaaboneka ng'asinga bakungu baine bale ab'oku ntwiko ababiri, ghalala n'abafuzi ab'amasaza, mu kukola emirimo obulungi kuba yalimu omwoyo omulungi einho. Era olw'okuba yali akola bulungi atyo, kyabazinga yali ategeka okumugha okukuliranga obwakyabazinga bwonabwona.

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Ebikolwa by'Abatume 7:10

Katonda yaamubisa mu bizibu byonabyona yaamugha amagezi n'okugonga eri Farao, kyabazinga wa Misiri eyamugha obwami mu Misiri n'okufuga ebintu bye byonabyona.