Amainhama 41:40 - Baibuli Ekibono kya Katonda 2014

⁴⁰ Oidha kulabiriranga ensi yange, era abantu bange boonaboona baidha kukuwulirangaku. Nze zenka, ninze nnaakuwulangaku okuba n'obuyinza.”

Amainhama 41:40 ပူးပေါင်းရင်းမြစ်များ

Amainhama 39:9

Ndi n'obuyinza mu maka muno obwagayaga n'obubwe, era ghazira ky'atangemya okutoolaku iwe; kuba oli mukazi we. Kale nsobola ntya okukola ekibi ekyaga agho ni nsobya eri Katonda?”

Amainhama 44:18

Agho Yuda yaaja aghali Yosefu, yaakoba ati: “Musengwa wange, nkweghembye nganha, nze omwiru wo ndhogereku n'iwe. Otansungughalira, kuba oli ng'oti ni kyabazinga mwene.

Amainhama 45:26

Baamughayira bati: “Yosefu akaali mulamu, era n'afuga ensi yoonayoona ey'e Misiri.” Yakobo omwoyo gwamwezinduka era yaaloba kwikiriza kye bakoba.

Yobu 31:27

Tidaaliimangaku ni mbisinza mu ngiso, nga nnhwegera engalo dhange okwoleka bwe mbigulumiza.

Zabbuli 2:12

mumukubire amakiryaivu nga mutengera, tiikulwa nga asungughala, mwazikirira; kuba asungughala mangu. Ba nkabi abo boonaboona Musengwa Katonda b'akuuma.

Ensambo 22:29

Omuntu akola omulimo gwe obukalamu aba nga takaali mu bantu babuliidho, aba agwanira kuba mu bakyabazinga.

Danieli 5:29

Agho Beleshazzari yaalagira baavaaza Danieli engoye edh'erangi ya nakasooma, baamuta n'omukuufu ogwa zaabu mu nkoto, era yaamukuza okuba omufuzi ow'eidaala eryokusatu mu bwakyabazinga.

Danieli 6:3

Mu kiseera kitono kiti, Danieli oyo yaaboneka ng'asinga bakungu baine bale ab'oku ntwiko ababiri, ghalala n'abafuzi ab'amasaza, mu kukola emirimo obulungi kuba yalimu omwoyo omulungi einho. Era olw'okuba yali akola bulungi atyo, kyabazinga yali ategeka okumugha okukuliranga obwakyabazinga bwonabwona.

Ebikolwa by'Abatume 7:10

Katonda yaamubisa mu bizibu byonabyona yaamugha amagezi n'okugonga eri Farao, kyabazinga wa Misiri eyamugha obwami mu Misiri n'okufuga ebintu bye byonabyona.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.