Amainhama 41:30 - Baibuli Ekibono kya Katonda 2014

³⁰ Egyo nga gibiseegho, ghalibaagho emyaka musanvu egy'endhala. Era ebiseera eby'omwero biryerabirwa mu nsi y'e Misiri, endhala yaazikiriza ensi.

Amainhama 41:30 ပူးပေါင်းရင်းမြစ်များ

Amainhama 41:21

Aye bwe dhaamaze okudhirya, ole nga taghanga kumanha ati dhidhiriire, kuba dhaasigaire nga ngoogombe nga bwe dhaabaire mu kusooka. Agho naazuuka.

Amainhama 41:27

Era n'ente omusanvu embi era ensowofu, edhairirira dhire edhaasooka, era n'obufaaganda omusanvu obw'engaano obuziramu mpeke, obubabwirwa empewo eva mu irungu, ebyo bitegeeza myaka musanvu egy'endhala.

Amainhama 41:31

Endhala eyo eriba ya maani inho, ghaaloba na kusigalagho kamanhiso kooleka nga ghaalighooku ebiseera eby'omwero.

Amainhama 41:51

Yosefu yaatuuma omwana omuberi eriina Manasse, kuba yakoba ati: “Katonda aneerabiiza okudaazibwadaazibwa kwange kwonakwona era n'ab'endhu ya lata wange boonaboona.”

Amainhama 41:54

Era emyaka omusanvu egy'endhala gyatoolera nga Yosefu bweyakoba. Endhala yaagwa mu nsi dhoonadhoona, aye mu nsi ey'e Misiri ng'emere eriyo.

Amainhama 41:56

Endhala yeeyongera okuluma einho, era yaabuna woonawoona mu nsi ey'e Misiri. Yosefu yaigulagho amaterekero goonagoona, yaaguza Abamisiri engaano.

Amainhama 47:13

Endhala yeeyongera okuluma einho, emere yaabula mu nsi yoonayoona. Abantu ab'omu Misiri n'ab'omu Kanaani baagoogomba olw'endhala.

2 Samueli 24:13

Kale Gadi yaaja ye Daudi yaamukobera nga Musengwa Katonda bwe yamukoba. Yaamukoba ati: “Ku bisatu bino olondaku kirigha? Endhala okugwa mu nsi yo okumala emyaka esatu? Oba iwe okumala emyezi esatu ng'oli kulumuka abazigu bo abakuyiigania? Oba ekibamba okwidha mu nsi yo ni kigigoya okumala enaku eisatu? Buti dhuubiriza osalegho kye mbe ndhiremu oyo antumye.”

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

2 Bakyabazinga 8:1

Elisha yali akobye omukazi Omushunami mwene mwana Elisha oyo ye yaizaamu obulamu, ati: “Kola oje n'ab'endhu yo, obone y'onaaghanga okusenga, kuba Musengwa Katonda aja kusindika endhala ku nsi emale emyaka musanvu ng'eri kuluma.”

Zabbuli 105:16

Bwe yabaleetera endhala okugwa mu nsi mwe baali, n'ababuzaaku kiisi kantu koonakoona akasobola okuliibwa,

Ensambo 31:7

Abo leka banhwenga beerabirenga ku bizibu byaibwe, era balobenga kwidhukira nnaku yaibwe.

Isaia 65:16

Olwo kyaba nti, ole bw'aneesabiranga okugheebwa enkabi, enkabi edho aidha kudhisabanga nze Katonda ow'amazima. N'ole bw'anaalayiranga, aidha kulayiranga nze Katonda ow'amazima kuba ebizibu ebyabita biriwaagho byerabirwa, naaba nga tikaabifaaku naire.

Luka 4:25

“Aye mbakobera mu butuufu bwene: Mu byanda bya Eliya, banamwandu baali kamaala mu Isiraeli eigulu bwe lyesiba emyaka esatu n'emyezi omukaaga, endhala ey'amaani n'egwa mu nsi woonawoona.

Yakobo 5:17

Eliya yali muntu buntu ng'oti niife. Yasaba inho amaadhi galobe kugwa era emyaka gyabitagho esatu n'emyezi mukaaga ng'ezira liidhi litoonha ku nsi.