Amainhama 41:16 - Baibuli Ekibono kya Katonda 2014

¹⁶ Yosefu yaira mu kyabazinga ati: “Isebantu kyabazinga, ti ninze, aye Katonda n'anaakugha okuvuunula okulungi.”

Amainhama 41:16 ပူးပေါင်းရင်းမြစ်များ

Amainhama 37:14

Ise yaamukoba ati: “Ja mpegaano obone oba nga baganda bo bali bukalamu, era oba nga n'ebyayo biri bukalamu memale oire onkobere.” Kale yaamutuma okuva mu kiiko eky'e Heburoni. Yosefu yaaja yaatuuka e Shekemu.

Amainhama 40:8

Baamwiramu bati: “Buli mulala ku ife yaloose ekirooto, aye ghazira aghanga kuvuunula makulu ga birooto ebyo.” Yosefu yaakoba ati: “Katonda ti n'asobozesa abantu okuvuunula ebirooto? Kale munkobere ebirooto ebyo.”

Amainhama 41:17

Agho kyabazinga yaakoba Yosefu ati: “Mu kirooto kyange, nabaire nga nhemereire ku mbali kw'omwiga Kiyira,

Amainhama 41:25

Yosefu yaakoba kyabazinga ati: “Ow'ekitiisa Kyabazinga, ebirooto byo biri n'amakulu nga n'amalala. Katonda akwoleike by'aja okukola.

Amainhama 41:28

Ow'ekitiisa kyabazinga, ekyo kye nkukobeire nti Katonda akwoleike by'aja okukola.

2 Bakyabazinga 6:27

Kyabazinga yaamwiramu ati: “Musengwa Katonda mwene bw'ataakuyambe, nze nnaatoola gha eby'okukuyamba, ate nga zeena mu kifo aghakubirwa engaano nzirayo ka kulya, waire mu kikunhiro eky'omwenge gw'emizabbibu okubaayo n'ak'okunhwa?”

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 4:2

Kimbonekeire nga kirungi okubakobera ku bumanhiso n'ebyewuunhio, Katonda Ali Ghaigulu Yeene bye yankolera.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Luka 19:42

Yaakoba ati: “Nguli wamanha waire olwaleero luno ebireeta emiraala! Aye mperaano bya kwegisaaku

Ebikolwa by'Abatume 3:12

Petero bwe yabona abantu abo yaabakoba ati: “Abasaadha Abaisiraeli, lwaki kino mukyewuunhia? Lwaki mutulingirira mutyo ng'oti maani gaife na butuukirivu bwaife n'ebitambwiza ono?

Ebikolwa by'Abatume 3:7

Yaamugema ku mukono omusaadha, yaamusitula. Era mangu ago nga ebigere bye n'enhingo bikakata.

1 Ab'e Korintho 15:10

Aye olw'ekisa kya Katonda, kye nva ni mba nga bwendi buti. Era ekisa ekyo tikyafa busa. Nakola inho okusinga abatume abandi, waire nga mu butuufu ti ninze eyali akola, aye ekisa kya Katonda nga n'ekikolera mu nze.

2 Ab'e Korintho 3:5

Ife ku bwaife tuzira bughanzi butusobozesa kukola kintu kyonakyona, obughanzi bwaife buva wa Katonda.

Amateeka Agokubiri 29:29

Musa yaayongera okukoba ati: “Ebintu Musengwa Katonda waife by'atatumanhisa, bisigala nga bya kyama. Aye yatumanhisa amateeka ge, ife ni baidhukulu baife, tughange okugakuumanga enaku dhoonadhoona.”