Amainhama 41:14 - Baibuli Ekibono kya Katonda 2014

¹⁴ Kyabazinga yaayetesa Yosefu, baamutoola mangu mu ikomera. Yosefu bwe baamala okumumwa era n'akyusa ebivaalo n'avaala ebindi, yaaja eri kyabazinga.

Amainhama 41:14 ပူးပေါင်းရင်းမြစ်များ

2 Samueli 19:24

Agho Mefiboshethi mwidhukulu wa Saulo yaidha okusangaaza kyabazinga. Mefiboshethi oyo yaloba okunaaba ebigere, waire okumwa ebirevu, oba okwoza engoye dhe, okuva ku lunaku kyabazinga lwe yava mu Yerusalemu okutuusa lwe yaira nga ghaligho emiraala.

2 Bakyabazinga 25:29

Yehoiakini baamuganha okutoolamu ebivaalo by'eikomera, era buli lunaku yaaliiranga ku kiiwulo kya kyabazinga.

Okuvaayo 10:16

Agho kyabazinga yaagwidhubana okwetesa Musa ni Aaroni yaabakoba ati: “Nhonoine eri Musengwa Katonda waimwe era n'eri imwe.

Omulangirizi 4:14

Omuntu asobola okuzaalibwa mu nsi ye nga mwavu oba yaaviira mu ikomera, yaafuuka kyabazinga.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Danieli 2:25

Agho amangu geene ago, Arioki yaatwala Danieli mu maiso ga kyabazinga. Era yaakoba kyabazinga ati: “Isebantu kyabazinga, nzwire nga mu bantu abaanhagibwa e Buyudaaya mulimu omusaadha asobola okuvuunula ekirooto kyo.”