Amainhama 40:20 - Baibuli Ekibono kya Katonda 2014

²⁰ Ku lunaku olwokusatu, olwali olw'okukulizaaku amazaalibwa ga kyabazinga, kyabazinga yaagabula abakungu be boonaboona embaga. Yaafulumya mu ikomera omusenero omukulu n'omufumbi omukulu, bombi yaabaleeta mu maiso g'abakungu be.

Amainhama 40:20 ပူးပေါင်းရင်းမြစ်များ

Amainhama 21:8

Omwana yaakula, era ku lunaku lwe yava ku mabeere, Aburahamu yaafumba embaga nnene.

Amainhama 40:13

Mu nnaku isatu kyabazinga aidha kukusibula ove mu ikomera, akusonighe era akwirize obukulu bwo, osobole okumugemyanga ekikopo, nga bwe wakolanga eira bwe wali ng'okaali omusenero we.

Amainhama 40:19

Mu nnaku isatu kyabazinga aidha kukutoola mu ikomera, alagire bakutemeku omutwe, era bakughanike olengeedhere ku muti, enhonhi dhirye omulambo gwo.”

1 Bakyabazinga 3:15

Agho Solomoni yaasitukagho. Okuja okwetegereza ati nga kibaire kirooto. Yaaja e Yerusalemu, yaayemerera mu maiso g'Esanduuku y'Endagaano ya Musengwa Katonda, yaaghaayo ebigheebwayo ebyokebwa, n'ebigheebwayo olw'okutabagana. Era yaakolera abagheereza be boonaboona embaga.

2 Bakyabazinga 25:27

Agho kyabazinga Evilimerodaki ow'e Babilonia, yaagemerwa kyabazinga Yehoiakini ow'e Buyudaaya ekivunika mu mwaka gwene Evilimerodaki oyo gwe yafuukiramu kyabazinga. Yaamutoola mu ikomera ku lunaku olwamakumi abiri n'omusanvu, mu mwezi ogweikumi n'ebiri (12), mu mwaka ogwamakumi asatu n'omusanvu (37), okuva Yehoiakini oyo kyabazinga wa Buyudaaya lwe yasibwa.

Yobu 3:1

Ebyo bwe byawa, Yobu yaatoolera okwogera, yaakolima olunaku lwe yazaalirwaku.

Zabbuli 105:19

okutuusa ekyo kye yakoba ati kiribaagho lwe kyatuukirira, ekibono kya Musengwa Katonda ni kimukakasa okuba omutuufu.

Yeremia 52:31

Agho kyabazinga Evilimerodaki ow'e Babilonia, yaagemerwa kyabazinga Yehoiakini ow'e Buyudaaya ekivunika mu mwaka gwene Evilimerodaki oyo gwe yafuukiramu kyabazinga. Yaamutoola mu ikomera ku lunaku olwamakumi abiri n'eitaanu (25), mu mwezi ogweikumi n'ebiri, mu mwaka ogwamakumi asatu n'omusanvu (37), okuva Yehoiakini oyo kyabazinga wa Buyudaaya lwe yasibwa.

Matayo 14:6

Mperaano ku lunaku olw'amazaalibwa ga Herode, mughala wa Herodia yakina mu maiso g'abaaligho boonaboona, yaasangaaza Herode.

Matayo 25:19

“Nga ghabiseegho entangama, musengwa w'abagheereza abo yaira yaababuuza ebigema ku bibye.

Mariko 6:21

Aye olunaku lwatuuka, Herodia yaafuna akakisa. Lwali lunaku lwa mazaalibwa ga Herode. Era Herode oyo yaagabula abaami, n'abakulu ab'abaisirukale, n'abataka abakulu mu Galilaaya.