Amainhama 40:19 - Baibuli Ekibono kya Katonda 2014

¹⁹ Mu nnaku isatu kyabazinga aidha kukutoola mu ikomera, alagire bakutemeku omutwe, era bakughanike olengeedhere ku muti, enhonhi dhirye omulambo gwo.”

Amainhama 40:19 ပူးပေါင်းရင်းမြစ်များ

Amainhama 40:13

Mu nnaku isatu kyabazinga aidha kukusibula ove mu ikomera, akusonighe era akwirize obukulu bwo, osobole okumugemyanga ekikopo, nga bwe wakolanga eira bwe wali ng'okaali omusenero we.

Amainhama 40:17

Mu kiibo eky'oku ngulu mwabairemu emigaati egya buli nsambo nga gya kyabazinga, aye nga enhonhi dhiri kugiriira mu kiibo ku mutwe gwange.”

Amainhama 40:18

Yosefu yairamu ati: “Gano n'amakulu gaakyo: ebiibo ebisatu bitegeeza enaku isatu.

Amainhama 40:20

Ku lunaku olwokusatu, olwali olw'okukulizaaku amazaalibwa ga kyabazinga, kyabazinga yaagabula abakungu be boonaboona embaga. Yaafulumya mu ikomera omusenero omukulu n'omufumbi omukulu, bombi yaabaleeta mu maiso g'abakungu be.

Amainhama 40:22

Aye kyabazinga yaaghanika omufumbi omukulu yaalengeedhera ku muti, yaafa, nga Yosefu bweyavuunula ebirooto.

Amainhama 41:13

Era byaba bityo nga bweyabituvuunulira: Nze wandhiza ku bukulu bwange, aye omufumbi omukulu waalagira baamulengeedhia ku muti, yaafa.”

2 Samueli 21:10

Agho Rizupa mughala wa Aya era eyali muka Saulo ow'embali, yaatoola ekutiya yaagyeyalira ku lubaale, okuva ku kiseera eky'amakungula ghe kyainhamira okutuusa ku ekiseera ekya amaadhi okugwa. Omusana yaaloba kuganhanga nhonhi kwidha ku mirambo egyo, ate obwire yaalobanga kuganha nsolo kugiidhaku.

2 Samueli 21:6

Kale ni batughe abantu musanvu ku baidhukulu be, tubasibe emigugha mu nkoto tubalengeedhie mu maiso ga Musengwa Katonda e Gibea ku lusozi lwa Musengwa Katonda.” Kyabazinga yaabairamu ati: “Ndidha kubagha abantu abo omusanvu.”

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Ezekieli 39:4

Era iwe mwene, n'eigye lyo lyonalyona, n'abalwani abava mu maghanga agandi abaliba aghalala n'iwe, muligwa ku nsozi edh'omu Isiraeli. Olwo naaghaayo emirambo gyaimwe eri enhonhi edh'oku nsozi n'ensolo edh'omu nsiko, dhaagikankamira.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Yoshua 10:26

Bwe yamala, yaita bakyabazinga abo era yaabaghanika ku miti etaanu. Emirambo gyaibwe gyalengeedhera okwo okutuusa olw'eigulo.

Yoshua 8:29

Era yaaghanika kyabazinga ow'e Ayi ku muti, yaalengeedhera okwo yaafa. Omulambo gwe baaguleka ku muti okwo okutuusa olw'eigulo. Endhuba bweyali ng'eri kumpi kugwa Yoshua yaalagira, baatoola omulambo ogwo ku muti, baagusuula aghaalinga omulyango ogwangiranga mu kibuga. Bwe baamala, baagubungaku emungo ey'amabaale enkologho ekaaligho ni ye buli eno.

1 Samueli 17:44

Era yaamukoba ati: “Kale idha ghano ghe ndi, omulambo gwo ndidha kugugabula enhonhi edh'omu ibbanga n'ensolo edh'omu nsiko.”

1 Samueli 17:46

Olwaleero luno Musengwa Katonda aidha kukuta mu ngalo dhange nkukube ghansi, era nkutemeku omutwe. Era emirambo egy'eigye ery'Abafilisiti nja kugigabula enhonhi edh'omu ibbanga n'ensolo edh'omu nsiko. Olwo ensi yoonayoona emanhe nga mu Isiraeli mulimu Katonda.