Amainhama 40:15 - Baibuli Ekibono kya Katonda 2014

¹⁵ Kuba bwenebwene bampuuya buwuuye okuva mu nsi y'Abaheburayi, era ni ghano tikolangaghooku kintu kyonakyona ekyandinsibiisa mu ikomera.”

Amainhama 40:15 ပူးပေါင်းရင်းမြစ်များ

Amainhama 14:13

Aye omuntu eyawonagho yaidha yaakobera byonabyona Aburamu, Omuheburayi eyali ng'aba kumpi n'emiti gya Mamure Omuamori. Mamure ono ni baganda be, Esikoli ni Aneri, baali ba mukago n'Aburamu.

Amainhama 39:20

yaagema Yosefu, yaamuta mu ikomera abasibe aba kyabazinga mwe bakuumirwa; Yosefu yaaba omwo mu ikomera.

Amainhama 40:16

Omufumbi omukulu bweyabona nga amakulu g'ekirooto ekyo malungi, yaakoba Yosefu ati: “Zeena naloose nga neetwise ku mutwe ebiibo bisatu ebirimu emigaati nga mbiyiriike.

Amainhama 41:12

Ghaaligho omwisuka Omuheburayi eyali aghalala n'ife, nga mugheereza wa mukulu ow'abaisirukale abakuumi b'ekisaagaati kya kyabazinga. Twamukobera ebirooto byaife, era yaatuvuunulira amakulu gaabyo, ng'ekirooto ekya buli muntu bwe kyali.

Zabbuli 105:18

Yateebwa mu ikomera, baamusiba n'endhegere ku bigere, n'ekikomo eky'ekyuma mu nkoto

Zabbuli 109:2

Abakozi b'ebibi n'abaguya bandhogeraku nga bampaama bye ntakola.

Okuvaayo 21:16

“Omuntu yeenayeena anaawuuyanga omuntu n'amutunda, oba n'ayagaanibwa ng'ali naye, wa kwitibwanga.

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Yoanne 10:32

Yesu yaabakoba ati: “Mbalaze ebirungi kamaala Lata by'ampa okukola. Ku ebyo kye muli kwenda okunkubira amabaale n'ekiri gha?”

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Amateeka Agokubiri 24:7

“Omuntu bw'anaawuuyanga Muisiraeli mwine n'amufuula omwiru we oba n'amutunda, aidha kwitibwanga bwitibwe, olwo musobole okwetoolaku ekibi ekyo.

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.