Amainhama 4:15 - Baibuli Ekibono kya Katonda 2014

¹⁵ Aye Musengwa Katonda yaamwiramu ati: “Busa naire. Omuntu yeenayeena bw'akwita, olyesasuuzibwamu obulamu bwa bantu musanvu.” Musengwa Katonda yaata ku Kaini akamanhiso, kiisi amwagaana alobenga kumwita.

Amainhama 4:15 ပူးပေါင်းရင်းမြစ်များ

Amainhama 4:24

Bwe kiba nti okwita Kaini kwesasuuzibwamu obulamu bwa bantu musanvu, agho ni, okwita Lameka kuli na kwesasuuzibwamu bulamu bwa bantu nsanvu na musanvu.”

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

Zabbuli 59:11

Wo Katonda wange, otabaita, kuba tiikulwa ng'abantu bange beerabira. Aye kozesa obukumu bwo obasansaanie era obasuule ghansi, iwe Musengwa Katonda engabo yaife.

Zabbuli 79:12

Weesasuulize ku maghanga ago agatuliiraine emikuzi musanvu, olw'okukuyeeyereza kwonakwona kwe babairenga bakola.

Ensambo 6:31

Era bwe bamugema bamuliyisa emikuzi musanvu, yaaghaayo ebintu ebiri mu ndhu ye byonabyona.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Ezekieli 9:6

Muje nga mwita abakaire, abaisuka, abaghala abaguna, abaana abato, n'abakazi. Aye mutagema ku muntu yeenayeena aliku kamanhiso. Era mutandiikire ghano ku isinzizo lyange.” Kale baatandiikira ku bakulembeze abaali agho gha isinzizo.

Hosea 1:4

Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Abalevi 26:18

“Ebyo byonabyona bwe binaamalanga okubaagho, era ni musigala nga timukampulira, ekibonerezo kyaimwe ndidha kukyongerangaku emikuzi musanvu olw'ebibi byaimwe.

Abalevi 26:21

“Bwe munaayongeranga okukola empwitu n'obutampulira, ndidha kwongeranga kabiri ku kibonerezo kyaimwe emikuzi musanvu, nga njiira ku bungi bw'ebibi byaimwe.

Abalevi 26:24

zeena ndibeefuulaku naababonereza emikuzi musanvu okuwulagho olw'ebibi byaimwe.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Matayo 26:52

Yesu yaamukoba ati: “Empiima yo giize mu kiruutu kyayo kuba abo boonaboona abakozesa empiima, empiima n'eribazikiriza.

Okwolekebwa 14:11

Omwosi ogw'okudaazibwadaazibwa kwaibwe gwa kunioka ebyanda n'ebyanda. Era abasinza ekisolo n'ekifaananie kyakyo, na kiisi yeenayeena eyateebwaku akamanhiso k'eriina lyakyo, tibaligheeraku omusana n'obwire.”

Okwolekebwa 14:9

Malaika owundi owokusatu yairirira bale ababiri ng'ayogera n'amamiro ag'amaani ati: “Kiisi muntu asinza ekisolo n'ekifaananie kyakyo, n'aganha okuteebwaku akamanhiso kaakyo mu kyeni oba ku mukono,