Amainhama 4:11 - Baibuli Ekibono kya Katonda 2014

¹¹ Buti okolimiirwa era ghazira ky'okaafuna kuva mu itaka eryasaimya omunwa, ni linhwa omusaayi gwa muganda wo y'oise.

Amainhama 4:11 ပူးပေါင်းရင်းမြစ်များ

Amainhama 3:14

Musengwa Katonda yaakoba omusota ati: “Olw'okuba okoze ekyo, okolimiirwa okusinga ensolo dhoonadhoona enfuge n'edh'omu nsiko. Okuva n'olwaleero oidha kutambulanga nga weekululira ku nda yo, era olyenga enkungu enaku dhoonadhoona edh'obulamu bwo.

Amainhama 4:14

Olwaleero ominze ku itaka lino era ni mu maiso go. Ndidhanga kutambulatambula eyo ntyo nga nzira ghe nsula, era kiisi anandhagaananga, ng'andhita bwite.”

Amainhama 5:29

Yaamutuuma eriina Noa. Yaakoba ati: “Ono n'alitwizaamu amaani mu kugezimula n'okufaabiikana kwaife, ng'akozesa eitaka lyene eryo Musengwa Katonda lye yakolima.”

Yobu 16:18

“Iwe ensi otalobera musaayi gwange, n'ogulobera kululuma; otaganha kulira kwange kusirisibwa.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Ab'e Galatia 3:10

Abo abeesigama ku kukola ng'Amateeka bwe galagira bakolimirwe, kuba ebyaghandiikibwa bikoba biti: “Omuntu yeenayeena ataatuusenga buliidho ebyo byonabyona ebyaghandiikibwa mu kitabo kino eky'Amateeka, akolimirwe!”

Okwolekebwa 12:16

Aye eitaka lyabeera omukazi lyayasama lyamira omwiga ogusota gwe gwali gufuudhie okuva mu kanwa mwagwo.