Amainhama 39:3 - Baibuli Ekibono kya Katonda 2014

³ Omumisiri oyo yaabona nga Musengwa Katonda ali ni Yosefu, era ng'amugha enkabi mu buli ky'akola.

Amainhama 39:3 ပူးပေါင်းရင်းမြစ်များ

Amainhama 21:20

Katonda yaaba ku mwisuka oyo, yaaja ng'akula, era ng'aba mu irungu, era yaafuuka muyiizi atawunhikamu.

Amainhama 21:22

Agho mu biseera ebyo, Abimeleki ng'ali ghalala ni Fikoli omuduumizi w'eigye lye, baidha ye Aburahamu. Abimeleki yaakoba Aburahamu ati: “Katonda aba n'iwe mu byonabyona by'okola.

Amainhama 21:23

Kale layira mu maiso ga Katonda oyo nga toidha kunguyaguyanga nze, waire abaana bange oba abaidhukulu bange. Era nga bwembairenga mwesigwa y'oli, weena obenga mwesigwa ye ndi, era n'eri ensi eno y'olimu.”

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 26:28

Bairamu bati: “Tuboine nga bwenebwene Musengwa Katonda ali n'iwe, kye tuva ni tukoba tuti ghabeegho ekirayiro ghagati wo n'ife, era tukole endagaano n'iwe,

Amainhama 30:27

Labani yaamukoba ati: “Nganha nkukobere nti naja naalagulwa, bankobera bati Musengwa Katonda yampa enkabi olwa iwe.

Amainhama 30:30

Kuba wali na bitono nga nkaali kwidha, aye mpegaano byeyongeire inho, era Musengwa Katonda yakugha enkabi ku lwange. Aye olwo mpegaano nze ndifuna li zeena eby'amaka agange.”

Amainhama 39:2

Musengwa Katonda yaabanga ni Yosefu, era Yosefu oyo yaabanga wa nkabi mu byonabyona bye yakolanga; yaabanga mu ndhu ya musengwa we Omumisiri.

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

Amainhama 39:23

Omukuumi w'eikomera tiyeeraliikiriranga kintu kyonakyona ekyagemesebwa Yosefu, kuba Musengwa Katonda yali ghalala ni Yosefu, ng'agha enkabi kiisi kye yakolanga.

2 Bakyabazinga 18:7

Musengwa Katonda yaabanga ghalala naye, era ebintu byonabyona bye yakolanga byamujiira bukalamu. Yaadheemera kyabazinga w'e Assiria, yaaloba kumugheereza.

1 Ebyomubyanda 22:13

Bw'onaagonderanga Amateeka n'ebiragiro Musengwa Katonda bye yagha Isiraeli ng'abita mu Musa, ebintu byonabyona biidha kukujiiranga bukalamu. Guma omwoyo, otatya, era otawaamu maani.

1 Ebyomubyanda 9:20

Finehasi mutabane wa Eleazari n'eyakuliranga abakuumi abo mu biseera eby'eira, Musengwa Katonda ng'aba ghalala naye.

2 Ebyomubyanda 1:1

Solomoni mutabane wa Daudi yaakakata mu bufuzi mu bwakyabazinga bwe, era Musengwa Katonda we yaabanga ghalala naye, yaamufuula omukologho einho.

2 Ebyomubyanda 26:5

Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

Nehemia 2:20

Naabairamu nti: “Katonda ow'eigulu, aidha kutugha obughanguzi. Kale ni ife abagheereza be twidha kusitukiramu tuzimbe. Aye imwe mu Yerusalemu muno, muziramu mugabo gwaimwe, oba okubaamu n'ekintu ekyaimwe, waire ekiidhukizo obwidhukizo.”

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

1 Ab'e Korintho 16:2

Buli lunaku olusooka mu wiiki, buli muntu ku imwe abengaku ni ky'abiika ng'ajiira ku by'afunie, mulobe kwesondanga nga ndidhie.

Amateeka Agokubiri 2:7

“Musengwa Katonda waimwe yabagha enkabi, ebintu byonabyona byabajiira bukalamu. Yaabalabirira nga muli kubita mu irungu lino einene. Emyaka gino amakumi ana yaaba ghalala n'imwe, nga muzira kye mudhulirira.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.

1 Samueli 18:14

Byonabyona Daudi bye yakolanga nga bimujiira bukalamu, kuba Musengwa Katonda yalinga ghalala naye.

1 Samueli 18:28

Aye era Saulo yaakibona era yaakitegeera nga Musengwa Katonda ali ni Daudi, era nga Abaisiraeli boonaboona bagonza Daudi oyo.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.