Amainhama 39:21 - Baibuli Ekibono kya Katonda 2014

²¹ Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

Amainhama 39:21 ပူးပေါင်းရင်းမြစ်များ

Amainhama 21:22

Agho mu biseera ebyo, Abimeleki ng'ali ghalala ni Fikoli omuduumizi w'eigye lye, baidha ye Aburahamu. Abimeleki yaakoba Aburahamu ati: “Katonda aba n'iwe mu byonabyona by'okola.

Amainhama 39:2

Musengwa Katonda yaabanga ni Yosefu, era Yosefu oyo yaabanga wa nkabi mu byonabyona bye yakolanga; yaabanga mu ndhu ya musengwa we Omumisiri.

Amainhama 39:3

Omumisiri oyo yaabona nga Musengwa Katonda ali ni Yosefu, era ng'amugha enkabi mu buli ky'akola.

Amainhama 39:4

Potifari yaasiima Yosefu, yaamufuula mugheereza we, era yaamugha okulabiriranga endhu ye, n'okukuumanga ebibye byonabyona.

Amainhama 40:3

Yaabasibira mu ikomera, mu ndhu y'omukulu w'abaisirukale abakuumi b'ekisaagaati kya kyabazinga, mu kifo kyene ekyo Yosefu mwe yasibirwa.

Zabbuli 105:19

okutuusa ekyo kye yakoba ati kiribaagho lwe kyatuukirira, ekibono kya Musengwa Katonda ni kimukakasa okuba omutuufu.

Zabbuli 105:22

Kyabazinga yaamugha obukumu okulagira abakungu be boonaboona nga bwe yayendanga, n'okugha abaami be amagezi.

Zabbuli 106:46

Yaleetera abo boonaboona abaali babakiriga, okubagemerwa ekivunika.

Okuvaayo 11:3

Agho Musengwa Katonda yaaleetera Abamisiri okutya Abaisiraeli. Ate ekindi, Abamisiri abo ng'otwaliizaamu n'abakungu ba kyabazinga beene, baatwalanga Musa okuba omuntu omukologho.

Okuvaayo 12:36

Era, nga ni Musengwa Katonda amaze okuleetera Abamisiri okutya Abaisiraeli, kale kiisi kye baasabanga nga bakibagha. Mu nsambo ng'oti n'eyo, Abaisiraeli baatwala eby'obukombe eby'Abamisiri mu magezi.

Okuvaayo 3:21

Era ndidha kuleetera Abamisiri okutya Abaisiraeli, Abaisiraeli abo balobe kuva mu Misiri na ngalo ndhereere.

Ensambo 16:7

Omuntu bw'akola ebisanhusa Musengwa Katonda, Musengwa Katonda oyo afuula n'ababaire abazigu b'omuntu oyo baaba bakagwa be.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Danieli 1:9

Agho Katonda yaaleetera Ashipenazi okugonza Danieli n'okumugemerwa ekivunika.

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Ab'e Roma 8:37

Aye mu ebyo byonabyona tughangulira irala ku lw'oyo eyatugonza

1 Petero 3:17

Ekisinga bukalamu n'okudaazibwadaazibwa olw'okukola ekituufu, bwe kuba nga n'okwenda kwa Katonda, mu kifo eky'okudaazibwadaazibwa olw'okukola obubi