Amainhama 38:9 - Baibuli Ekibono kya Katonda 2014

⁹ Aye Onani yaamanha ng'abaana abo tibaja kuba babe. Kale buli lwe yabanga ni namwandu wa muganda we, ng'amaadhi agafuka ghansi, alobe kuzaalira muganda we baana.

Amainhama 38:9 ပူးပေါင်းရင်းမြစ်များ

Amainhama 38:10

Kye yakola kyaloba kusangaaza Musengwa Katonda. Kale Musengwa Katonda oyo yaamwita yeena.

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Amateeka Agokubiri 25:5

“Abasaadha aboluganda bwe banaabanga nga baba ghalala, owundi n'afa nga tazaire mwana wa bulenzi, namwandu taabayirenga musaadha wundi atali waluganda lwa mufu. Muganda w'omufu aidha kutwalanga namwandu oyo amubayize, amukolere ekyo muganda w'omusaadha omufu ky'ateekwa okukolera namwandu.

Amateeka Agokubiri 25:6

Omwana omulenzi ye banaasookanga okuzaala baidhanga kumugulika eriina lya muganda we eyafa, olwo eriina eryo lirobe kusaanagho mu Isiraeli.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Yakobo 3:14

Aye oba nga mu myoyo gyaimwe mwidhwire ensaalwa enkambwe, n'okweyendeza mwenka, muteesuutanga biziramu muti mbu muli n'amazima.

Yakobo 3:16

Kuba aghaba ensaalwa n'okweyendeza, n'aghaba n'okutabukatabuka n'emize emibi eja buli nsambo.

Yakobo 4:5

Oba mudhuuba muti ekyaghandiikibwa kino ti kituufu ekikoba kiti: “Katonda ali n'enkikidi ku mwoyo gwe yatutaamu.”

Ruthi 1:11

Naomi yaabakoba ati: “Baana bange, mwireyo. Lwaki mwandyenze okuja ninze? Mudhuuba muti nkaaghanga okuzaalayo abalenzi baafuuka baibaimwe?

Ruthi 4:10

Okwo kwe nhongereza okutwala Ruthi Omumoabu namwandu wa Mahaloni nga mukazi wange. Olwo, ebintu ebyo tibiidha kuva mu maina ga bafu, era n'amaina gaibwe tigaidha kwerabirwa mu bantu ab'omu kibuga, nti lwa kubulwa musika. Imwe muli badhulizi b'ebyo olwaleero luno.”