Amainhama 38:24 - Baibuli Ekibono kya Katonda 2014

²⁴ Bwe ghaabitagho emyezi ng'esatu, baakobera Yuda bati: “Tamari mukaamwana wo yakola obwamalaaya, era mpegaano ali nda.” Yuda yaakoba ati: “Mumufulumye mumwokye afe.”

Amainhama 38:24 ပူးပေါင်းရင်းမြစ်များ

Amainhama 20:3

Aye Katonda yaabonekera Abimeleki mu kirooto obwire, yaamukoba ati: “Bona, oidha kufa olw'okutwala omukazi oyo, kuba muka musaadha.”

Amainhama 20:7

Mpegaano ni, izaayo muka beene; kuba omusaadha oyo mulanzi, era aidha kukusabira obe mulamu. Aye bw'otaizeeyo mukazi, manha ng'oteekwa kufa, iwe n'abantu bo boonaboona.”

Amainhama 20:9

Agho yaayeta Aburahamu yaamubuuza ati: “Kiki kino ky'otukoze? Nakukola kibi ki memale ondeetere nze n'obwakyabazinga bwange ekibi ekyaga agho? Kye wakoze ti n'ekigwaine okukolwa.

Amainhama 34:31

Aye baamubuuza bati: “Obwo yakola bulungi okubisa mwanhinaife nga malaaya?”

Amainhama 38:23

Yuda yaakoba ati: “Leka ebintu abisigaze, tulobe kusekererwa. Kasita nze nagheereza embuzi ento, aye iwe waaloba kumwagaanagho.”

2 Samueli 12:5

Agho obusungu bwa Daudi bwatumbukira ku muntu oyo ng'oti muliro. Yaakoba Nathani ati: “Ndayira Musengwa Katonda omulamu nti omuntu eyakola ekintu ekyo agwaniire kufa.

2 Samueli 12:7

Agho Nathani yaakoba Daudi ati: “Niiwe omuntu oyo. Era Musengwa Katonda wa Isiraeli akoba ati, ‘Nakusiiga omuzigo obe kyabazinga wa Isiraeli, naakuwonia omuzigu wo Saulo.

Omulangirizi 7:26

Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 3:1

Musengwa Katonda akoba ati: “Omusaadha bw'abinga mukazi we, omukazi oyo naabayira omusaadha owundi, omusaadha oyo asobola kabiri okwiza omukazi oyo? Olwo ensi eyo eba teyonooneike? Aye imwe Abaisiraeli timwali beesigwa ye ndi, mwaba ng'oti malaaya bw'aba n'abagonzi be abangi. Aye obwo mwenda kabiri kwira ye ndi?

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Yeremia 3:8

Baabona nga mminga Abaisiraeli abo naabagha n'embaluwa ebabinga, olw'obutaba beesigwa ng'oti n'omukazi malaaya. Aye ab'e Buyudaaya abo baganda b'Abaisiraeli, tibaatya naire. Boona baaja buje, baafuuka abatali beesigwa ng'oti n'omukazi malaaya,

Ezekieli 16:15

“Aye weesigulira ku bulungi obw'emboneka yo obwo ni ku kumanhikana kwo, waakola obwamalaaya. Waalaaya ku buli muntu eyabitangagho.

Ezekieli 16:25

Olw'emboneka yo enungi, mu buli maagaanana ga luguudo wataagho ekifo okukoleramu obwamalaaya, weekubanga ku buli muntu eyabitangagho. Mu nsambo eyo obwamalaaya bwo bweyongerangaku buli lunaku.

Ezekieli 16:26

Wayendaku ni ku Bamisiri, baliraanwa bo abeegombi ng'oti ki! Obwamalaaya bwo bweyongerangaku bweyongere, wansonsoonia wandeetera okusungughala.

Ezekieli 16:28

“Wayendaku ni ku Bassiria boona, olw'obutasinwa bw'oli nabwo. Bwenebwene waalaaya nabo, aye era waasigala ng'okaayenda bwende.

Ezekieli 16:41

Balyokya endhu dho, baakubonereza ng'abakazi abandi kamaala babona. Nze ndikulekeza okukola obwamalaaya, waaba nga tokaagulirira bagonzi bo.

Ezekieli 23:19

Aye era yeeyongera bweyongere kukola bwamalaaya, nga bwe yabukolanga nga mughala muto e Misiri.

Ezekieli 23:44

Era bairaganangayo ye bamalaaya abo, Ohola ni Oholiba, abakazi abenzi abo.

Ezekieli 23:5

“Waire Ohola yali mukazi wange, aye era yakolanga obwamalaaya, yeefulugutanga n'abagonzi be Abassiria.

Hosea 2:5

Inhaibwe yakola obwamalaaya, oyo eyabazaala yeebisa mu nsambo eswaza ng'akoba ati: “Ndidha kuja y'abagonzi bange, bampe emere, n'amaadhi, n'engoye empegheevu, n'edho edhaakolebwa mu buviiri bw'entaama, n'omuzigo ogw'ebibala eby'emiti emyoliva, n'eby'okunhwa.”

Hosea 3:3

Naamukoba nti: “Oteekwa okumala ekiseera ekireeyi ng'oli wange. Otakola bwamalaaya waire okwenda omusaadha owundi, era zeena ntyo bwendidha okwebisa y'oli.”

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Abalevi 20:10

“Omusaadha bw'anaabanga ni muka musaadha mwine mu buliri, abenzi bombi, omusaadha oyo n'omukazi, banaitibwanga.

Abalevi 21:9

Era mughala wa kabona bw'aneeyonoonanga ng'akola obwamalaaya, anaabanga aswaziiza ise. Anaayokebwanga omuliro yaafa.

Ab'e Roma 14:22

Ky'oikiriza kikuume nga kimanhiibwa iwe wenka ni Katonda wo. Wa nkabi omuntu oyo ateesalira musango kumusinga mu ebyo by'atwala okuba ebituufu.

Amateeka Agokubiri 24:16

“Abazaire mutabaitanga lwa misango baana baibwe gye baiziiza, n'abaana mutabaitanga lwa misango bazaire baibwe gye baiziiza. Omuntu aidha kwitibwanga lwa musango gw'anaabanga ng'aiziiza mwene.

Abalamuzi 19:2

Aye omukazi oyo yaasungughalira iba oyo, yaavulumuka yairayo mu ndhu ya ise mu Bethelehemu e Buyudaaya, yaaba eyo okumala emyezi ena.