Amainhama 38:14 - Baibuli Ekibono kya Katonda 2014

¹⁴ Agho Tamari yeetoolamu ebivaalo eby'obwanamwandu, yeesiba ekitambaala ku mutwe, yeeghemba ni mu maiso. Yaatyama ku mulyango gw'ekibuga Enaimu, ekiri ku ngira eja e Timuna. Yakola atyo lwa kuba yabona nga Shela amaze okukula, aye nga tibali kumumugha amubayize.

Amainhama 38:14 ပူးပေါင်းရင်းမြစ်များ

Amainhama 24:65

Yaabuuza omugheereza wa Aburahamu ati: “Omusaadha oyo ali kutambula mu nimiro ng'aidha ye tuli, naani?” Omugheereza yairamu ati: “Ni musengwa wange.” Agho Rebekka yaatoola ekitambaala kye, yeeghemba mu maiso.

Amainhama 38:15

Yuda bweyamubona yaamudhuubiriza okuba malaaya, kuba yali yeeghembye mu maiso.

Amainhama 38:19

Agho Tamari yairayo eka, yeesibula ekitambaala ku mutwe, yeeghembula mu maiso, era yaavaala ebivaalo eby'obwanamwandu.

Amainhama 38:26

Yuda yaabitegeera, yaakoba ati: “Omughala mutuufu, kuba nze tinamugha mutabane wange Shela kumubayiza.” Yuda yaaloba kwirayo kuba naye mukuzi gundi.

Ensambo 7:10

Naja okubona, nga baagaanana n'omukazi oyo, eyali avaire nga malaaya era ng'ategeike ky'aja okukola.

Ensambo 7:12

Olundi ng'aba ku luguudo, olundi yaaba mu mpya edh'ekibuga, era kiisi ghali ikoona ng'aba agho yeeteega.

Yeremia 3:2

Mulingirire ghaigulu ku nsozi edhiziraku kantu, mubone oba nga ghaligho waire olulala ku nsozi edho, lwe mutaakoleraku bwamalaaya. Mubwama ku mbali kw'enguudo, mwateega be munaayenda nabo, ng'oti n'abanhazi b'omu irungu bwe beeteega abantu. Mwonoine ensi n'obwamalaaya bwaimwe obutakobeka.

Ezekieli 16:25

Olw'emboneka yo enungi, mu buli maagaanana ga luguudo wataagho ekifo okukoleramu obwamalaaya, weekubanga ku buli muntu eyabitangagho. Mu nsambo eyo obwamalaaya bwo bweyongerangaku buli lunaku.