Amainhama 37:8 - Baibuli Ekibono kya Katonda 2014

⁸ Baganda be baamubuuza bati: “Olowooza oti iwe olifuuka kyabazinga waife, era waatufuga?” Kale beeyongera okumukyayira irala olw'ebirooto bye, n'olw'ebibono bye.

Amainhama 37:8 ပူးပေါင်းရင်းမြစ်များ

Amainhama 27:41

Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

Amainhama 37:4

Aye baganda ba Yosefu bwe baabona nga iseibwe amwenda okusinga beene bw'abenda, baamukyagha nga tibenda na kwogera naye bya bulungi.

Amainhama 37:9

Yosefu era yaaloota ekirooto ekindi, yaakikobera baganda be ati: “Naloose ekirooto ekindi, ng'endhuba, n'omwezi, n'emuunienie ikumi na ndala biri ku nkubira amakiryaivu.”

Amainhama 42:10

Bairamu bati: “Busa, musengwa waife. Ife abagheereza bo twidhie kugula mere.

Amainhama 44:18

Agho Yuda yaaja aghali Yosefu, yaakoba ati: “Musengwa wange, nkweghembye nganha, nze omwiru wo ndhogereku n'iwe. Otansungughalira, kuba oli ng'oti ni kyabazinga mwene.

Amainhama 49:26

Enkabi dha lata wo dhisingira irala enkabi edh'oku nsozi edh'olubeerera, n'ebirungi eby'oku busozi obutawaagho. Enkabi edho dhibenga ku mutwe gwa Yosefu, ku bisige by'oyo eyayawulwa ku baganda be.

Amainhama 50:18

Agho baganda be era baidha, baamukubira amakiryaivu, baakoba bati: “Bona, tuli ghano, tuli bairu bo.”

Zabbuli 118:22

Eibaale abazimbi lye baaloba bati lizira mugaso, n'eryafuuka empagi ey'omusingi mu nsonda.

Okuvaayo 2:14

Ole yaamwiramu ati: “Koodhi naani eyakufuula omufuzi era omulamuzi waife? Oli kwenda kundhita ng'oti ni bwewaise Omumisiri idho?” Agho Musa yaatya inho ng'akoba mule ati: “Bwenebwene kye nakoze idho kyamanhiibwa.”

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Luka 20:17

Yesu yaabalingirira yaabakoba ati: “Kale, ekyaghandiikibwa kino kitegeeza ki? ‘Eibaale abazimbi lye baaloba bati lizira mugaso, n'eryafuuka empango ey'omusingi mu nsonda.’

Ebikolwa by'Abatume 7:35

“Musa oyo abantu ye baaloba nga bakoba bati, ‘Naani eyakufuula omwami era omulamuzi.’ Oyo Katonda ye yatuma okubafuga era okubanunula ng'abita mu malaika eyamubonekera mu kisaka.

Amateeka Agokubiri 33:16

Ekiketezo kyaibwe kiidhulenga ebirungi ebya buli nsambo, n'enkabi dha Musengwa Katonda oyo eyayogera ng'ali mu kisaka ekiri kwaka omuliro. Enkabi edho dhijenga ku b'ekika kya Yosefu, kuba Yosefu n'eyali omukulembeze mu baganda be.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.

1 Samueli 17:28

Eliabu muganda wa Daudi eyali abasinga boonaboona obukulu, bwe yawulira nga Daudi ali kwogera n'abantu abo, obusungu bwe bwatumbukira ku Daudi oyo ng'oti muliro. Yaamubuuza ati: “Lwaki oidhie ghano? Era entaama edho odhirekeire ani eyo mu irungu? Ndidhi okwepankapanka kwo kw'oli nakwo. Era olwo oidhie kubona lutalo bwe luli.”

1 Samueli 18:8

Agho Saulo yaasungughala inho olw'ebyo bye baakoba. Yaakoba ati: “Daudi bamubaliire mitwalo na mitwalo, aye nze bambalira bwa nkumi dhonka? Agho aba akaasigaiza kufuna ki, okutoolaku obwakyabazinga?”