Amainhama 37:35 - Baibuli Ekibono kya Katonda 2014

³⁵ Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

Amainhama 37:35 ပူးပေါင်းရင်းမြစ်များ

Amainhama 25:8

era yaafa nga musaadha mukaire ow'emyaka emiidhuvu; yaatwalibwa eri badhaadha be.

Amainhama 31:43

Labani yairamu Yakobo ati: “Bano baghala bange, n'abaana baibwe bange, era n'ebyayo bino byange, era n'ebyo byonabyona by'oli kubona ghano byange. Aye olwaleero nsobola kukolera ki baghala bange bano, oba abaana be baazaala?

Amainhama 35:29

yaafa ng'akairiighe inho, yaatwalibwa eri badhaadha be. Batabane be, Esau ni Yakobo, baamuziika.

Amainhama 42:31

Aye twamukoba tuti ‘Ife tuli bantu beesimbu, tituli bakeesi.

Amainhama 42:38

Aye Yakobo yaakoba ati: “Omwana wange taidha kuja n'imwe, kuba muganda we yafa, era mpegaano ni yenka asigairegho. Akabi bwe kalimutuukaku mu lugendo lwe muja okutambula, olwo muliba mundeeteire obughafu obulindhita nze omukaire.”

Amainhama 45:28

Isiraeli yaakoba ati: “Mulekere agho, ebyo bye mukobye bimala omwana wange Yosefu akaali mulamu. Ndidha kuja mmuboneku nga nkaali kufa.”

Amainhama 48:11

Isiraeli yaakoba Yosefu ati: “Nali tidhuuba nga ndiirayo kabiri okukubonaku. Aye mpegaano Katonda anganhie okubona ni ku baana bo!”

2 Samueli 12:17

Abakungu ab'omu ndhu ye baaja y'ali okumusitusa ave ghansi, aye yaaloberagho, era yaaloba okulya emere nabo.

2 Samueli 12:23

Aye buti amaze okufa, kale lwaki nsiiba? Nkaaghanga okumwiza? Luliba lulala nze naaja y'ali, aye mwene taja kwira ye ndi.”

2 Samueli 19:1

Baakobera Yoabu bati: “Bona eno, kyabazinga ali kulira amaziga era yaagegenga olw'Abusalomu.”

1 Ebyomubyanda 7:22

Iseibwe Efuraimu yaabalira okumala enaku kamaala, baganda be baidha okumugumya.

Yobu 2:11

Agho bakagwa ba Yobu basatu: Elifazi Omutemani, Bilidadi Omushuhi, ni Zofari Omunaamathi, bwe baawulira ebizibu byonabyona ebyamugwaku, bonsatuli baasalagho okuja okumugumya.

Zabbuli 77:2

Bwemba mu bizibu nsaba Musengwa Katonda; obwire bwonabwona mpanika amakono gange nga tiwulira na kuluyirira, aye naabulwa ansaasiraku.

Zabbuli 77:3

Bwendowooza ku Katonda ndira bwa maziga; bweneefumintiriza einho n'amaani gampwamu, naazirika.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Yeremia 31:15

Musengwa Katonda yaakoba ati: “Mu Rama yaawulikikayo amamiro ag'okugegenga n'okukuba empungu edh'amaani. Rakeli ng'agegenga olw'abaana be era nga tayenda na kusaasirwa, kuba baali nga tibakaaligho.