Amainhama 37:27 - Baibuli Ekibono kya Katonda 2014

²⁷ Ka tumuguze Abaishimaeli abasuubuzi, ife tulobe kumukolaku kabi, kuba oyo muganda waife era musaayi gwaife.” Baganda be baaganha kye yakoba.

Amainhama 37:27 ပူးပေါင်းရင်းမြစ်များ

Amainhama 29:14

Labani yaakoba ati: “Bwenebwene oli musaayi gwange era wa mu nda.” Yakobo yaamala naye omwezi mulamba.

Amainhama 37:22

Era yaakoba ati: “Mutayugha musaayi. Mumusuule bwa mu kiina kino ekiri mu irungu, aye timumukolaku kabi.” Yayogera atyo ng'ayenda amuwonie, amubatooleku amwirize ise.

Amainhama 42:21

Agho baakoba ati: “Bwenebwene omusango gwatusinga olwa muganda waife, kuba twabona obulumi bwe yalimu ng'ali kutweghemba tumusaasire aye twaloba kuwulirisa, kye tuviire tudaazibwadaazibwa tuti!”

Amainhama 50:20

Imwe mwayenda okunkola ekibi, aye Katonda yaayenda kiveemu ekirungi olw'okuwonia obulamu obw'abantu kamaala. Abantu abo bakaali balamu mpegaano, olw'ekyo ekyabaagho.

2 Samueli 12:9

Lwaki wanhooma ebiragiro bya Musengwa Katonda, n'okola ebibi y'ali? Waita Uria Omuhitti nga weeyambisa Abammoni, waatoola mukazi we waamufuula wuwo.

Nehemia 5:5

Ate nga twena tuli ba musaayi mulala ni Bayudaaya banaife abo. Abaana abaife, boona baana ng'oti n'abaibwe bwe bali. Aye ife tukaka batabane baife ni baghala baife okuba abairu. Era baghala baife abandi twabatunda ira mu bwiru. Ate nga ekyo titughanga kukyebeera, kuba enimiro dhaife, n'amasamba gaife ag'emizabbibu, biri mu buyinza bwa bantu bandi.”

Nehemia 5:8

Agho naabakoba nti: “Tukoze inho nga bwe tusobola, twanunula baganda baife, Bayudaaya banaife, okubatoola mu maghanga agandi ye baatundibwa. Aye mperaano mwena muli kutunda baganda baife abo, ife beene tubagule!” Abakulembeze abo baasiriikirira ng'eky'okwogera kibabuze.

Okuvaayo 21:16

“Omuntu yeenayeena anaawuuyanga omuntu n'amutunda, oba n'ayagaanibwa ng'ali naye, wa kwitibwanga.

Okuvaayo 21:21

Aye omwiru oyo bw'ataafiirengagho aye n'amalaghooku olunaku oba eibiri ng'akaali mulamu, omuntu oyo taidha kubonerezebwanga. Kuba anaabanga amaze okufiirwa omwiru we ye yagula n'empiiya dhe.

Matayo 16:26

Omuntu aganhulwamu ki okufuna ensi yoonayoona aye n'afiirwa obulamu bwe? Oba omuntu aghanga kughaayo ki okununula obulamu bwe?

Matayo 26:15

yaabakoba ati: “Munampaamu ki nze mmubagemye?” Baamugha ebitundu bya feeza amakumi asatu.

1 Timotheo 1:10

Gaateebwagho lwa benzi, lwa badankaanu, abawuuyi, abaguya era abalayira ebiziramu, n'abo boonaboona abakola ebitajiira ku ndhegeresa ntuufu.

Okwolekebwa 18:13

Era nga ghazira agula buwoowo, na birungo, na bubbaani, na muzigo ogwa kawoowo ogwetebwa mirra. Era nga ghazira agula mwenge gwa mizabbibu, na muzigo gwa bibala bya miti myoliva, na buwunga buseereibwa bukalamu, na ngaano, waire okugula ente n'entaama, embalaasi n'ebigaali eby'omu lutalo, oba okugula abairu n'obulamu bw'abantu.

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”