Amainhama 37:15 - Baibuli Ekibono kya Katonda 2014

¹⁵ Ghaabaagho omusaadha eyamwagaana ng'ali kutambulira eyo atyo mu byayiro, yaamubuuza ati: “Oli kwagala ki?”

Amainhama 37:15 ပူးပေါင်းရင်းမြစ်များ

Amainhama 21:14

Bwe bwakya enkyo, Aburahamu yaazuuka mu nkyo, yaamusibirira eby'okulya, yaamuteera n'amaadhi mu nsawo ey'oluwu, yaabigha Hagari. Era yaamuta n'omwana ku mugongo, memale yaamusiibula. Hagari yaaja ng'atambulatambula eyo atyo mu irungu ery'e Beerisheba.

Amainhama 37:14

Ise yaamukoba ati: “Ja mpegaano obone oba nga baganda bo bali bukalamu, era oba nga n'ebyayo biri bukalamu memale oire onkobere.” Kale yaamutuma okuva mu kiiko eky'e Heburoni. Yosefu yaaja yaatuuka e Shekemu.

Amainhama 37:16

Yosefu yairamu ati: “Ndi kwagala baganda bange. Nkweghembye nkoberaaku ye bali kwayira ebyayo.”

2 Bakyabazinga 6:19

Agho Elisha yaaja ye bali yaabakoba ati: “Eno engira ye mugemye ti n'entuufu, era kino ti n'ekibuga kye mwidhiriire. Muunonereze nze, ndidha kubatuusa ku muntu ye muli kwagala.” Yaabatwala e Samaria.

Yoanne 1:38

Yesu yaakyuka yaababona nga bali kumunonereza yaababuuza ati: “Muli kwagala ki?” Baamwiramu bati: “Rabbi”, amakulu gaakyo nti Mwegeresa, “otenduka gha?”

Yoanne 18:4

Yesu yamanha byonabyona ebyali bija okumutuukaku, yeesowolayo yaababuuza ati: “Muli kwagala ani?”

Yoanne 18:7

Kabiri yaababuuza ati: “Muli kwagala ani?” Era bairamu bati: “Yesu ow'e Nazarethi.”

Yoanne 20:15

Yesu yaamubuuza ati: “Mukazi iwe, olirira ki? Naani y'oli kwagala?” Maria yaamudhuubiriza okuba omukuumi w'omu nimiro eyo, kale yaamukoba ati: “Isebo, oba nga niiwe omutoiremu nkobera gh'omutaire, ndidha kumutoolagho.”

Yoanne 4:27

Mangu ago Abeegeresebwa be ghe bairira era beewuunhia inho okumubona ng'ali kwogera n'omukazi. Aye ghazira yabuuza mukazi ati: “Oyenda ki?” Oba eyabuuza Yesu ati: “Lwaki oli kwogera n'omukazi?”

Abalamuzi 4:22

Baraki bwe yaidha ng'ali kubingirira Sisera, Yaeli yaafuluma okumusangaaza. Yaamukoba ati: “Idha nkulage omusaadha y'oli kunoonia.” Agho Baraki yaingira naye, yaayagaana Sisera ng'agalaamiriire ku itaka, mufu, era nga bamukomereire enkondo mu kyeni.