Amainhama 37:11 - Baibuli Ekibono kya Katonda 2014

¹¹ Baganda ba Yosefu baamugemerwa ensaalwa, aye ise yaasigala nga yeefumintiriza ku ebyo Yosefu bye yayogera.

Amainhama 37:11 ပူးပေါင်းရင်းမြစ်များ

Amainhama 24:31

Labani yaakoba ati: “Idha tuje eka, iwe Musengwa Katonda y'aghaire enkabi. Ku lwaki oyemerera eno ku luya? Nkutegekeire endhu n'ekifo eky'engamiya.”

Amainhama 37:12

Agho baganda ba Yosefu bwe baali bajiire e Shekemu okwaya ebyayo bya iseibwe,

Amainhama 42:9

Agho yaidhukira ebirooto bye yaloota kubo, yaabakoba ati: “Muli bakeesi. Mwidhie okubona obunafu bw'ensi yaife, memale mwidhe mutulumbe.”

Zabbuli 106:16

Olundi nga bali mu kifo ghe baasimba weema dhaibwe, ghaabaagho abantu abaagemerwa Musa ensaalwa, ni Aaroni omugheereza wa Musengwa Katonda omutukuvu.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

Isaia 11:13

Ensaalwa ya Isiraeli eriwaagho, n'abazigu ba Buyudaaya baazikirizibwa; obwakyabazinga bwa Isiraeli tibuligemerwa nsaalwa bwakyabazinga bwa Buyudaaya, era Abayudaaya tibalikiriga Baisiraeli.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Danieli 7:28

Ebyo agho ghe byakoma. Era nze Danieli naatya inho mule, n'okusiiwuuka naasiiwuuka. Aye era ebintu ebyo naabita ku mwoyo.

Matayo 27:18

Kuba yali aidhi nga baamughaayo lwa nsaalwa.

Mariko 15:10

Kuba mule yamanha nga Bakabona Abakulu baaghaayo Yesu lwa nsaalwa.

Luka 2:19

Maria ebibono ebyo byonabyona yaabita ku mwoyo era yaabirowoozangaku inho.

Luka 2:51

Agho Yesu yaaserengeta nabo, yaatuuka e Nazarethi, era yaabawuliranga. Inhina ebintu ebyo byonabyona yaabita ku mwoyo.

Ebikolwa by'Abatume 13:45

Aye Abayudaaya bwe baabona eikuukuubira ery'abantu, ensaalwa yaabagema, baatakania Paulo bye yayogera era baamuvuma.

Ebikolwa by'Abatume 7:9

“Batabane ba Yakobo abo baagemerwa muganda waibwe Yosefu ensaalwa baamutunda e Misiri, aye era Katonda ng'ali naye.

Ab'e Galatia 5:21

okweyendeza eby'abandi, okutamiira, okwemalira mu bibinuko, n'ebindi ebiri ng'oti n'ebyo. Mbalabula ng'oti bwe nabalabulaku eira, nti abantu abakola ebintu ebyo tibaliba na mugabo mu Bwakyabazinga bwa Katonda.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Yakobo 4:5

Oba mudhuuba muti ekyaghandiikibwa kino ti kituufu ekikoba kiti: “Katonda ali n'enkikidi ku mwoyo gwe yatutaamu.”

1 Samueli 18:8

Agho Saulo yaasungughala inho olw'ebyo bye baakoba. Yaakoba ati: “Daudi bamubaliire mitwalo na mitwalo, aye nze bambalira bwa nkumi dhonka? Agho aba akaasigaiza kufuna ki, okutoolaku obwakyabazinga?”