Amainhama 35:8 - Baibuli Ekibono kya Katonda 2014

⁸ Debora omulezi wa Rebekka yaafa, baamuziika ghansi gh'omuti omukologho, kumpi n'e Betheli. Omuti ogwo baagutuuma eriina: “Omuti ogw'okulira amaziga.”

Amainhama 35:8 ပူးပေါင်းရင်းမြစ်များ

Amainhama 24:59

Kale baasiibula mwanhinaibwe Rebekka n'omulezi we, baaja n'omugheereza wa Aburahamu n'abasaadha be.

1 Ebyomubyanda 10:12

abasaadha abaziramu ntete boonaboona baasituka, baaja baatoolayo omulambo gwa Saulo n'emirambo gya batabane be, baagireeta e Yabeshi. Baaziika amagumba gaibwe eyo e Yabeshi ghansi gh'omuti omukologho, era baasiiba okumala enaku musanvu.

Abalamuzi 2:1

Agho malaika wa Musengwa Katonda yaava e Giligali, yaaja e Bokimu. Yaakoba Abaisiraeli ati: “Nabatoola mu nsi Misiri, naabaleeta mu nsi ye nasuubiza badhaadha baimwe. Naakoba nti, ‘Tirimenhagho ndagaano ye nakola n'imwe.

Abalamuzi 2:5

Ekifo ekyo baakituuma eriina Bokimu, era baaghaayo emisengo ye Musengwa Katonda nga bali eyo.

Abalamuzi 4:5

Yaatyamanga ghansi mu muti omunaazi ogwayetebwanga ogwa Debora, ogwalinga ghagati gha Rama ni Betheli, mu kiketezo eky'ensozi ekya Efuraimu. Abaisiraeli baajanga eyo y'ali okubasalira emisango.

1 Samueli 10:3

Agho oidha kuvaagho, weeyongereyo otuuke ku muti omukologho oguli e Tabori, y'onaayagaana abantu basatu nga bali kuja e Betheli okusinza Katonda. Omulala ku abo aidha kuba ng'ali kutwala embuzi entototo isatu, owundi ng'ali kutwala emigaati esatu, n'owundi ng'ali kutwala ensawo ey'omwenge gw'emizabbibu ey'oluwu.

1 Samueli 31:13

Baatwala amagumba gaibwe, baagaziika ghansi gh'omuti omutamarisiki, era baasiiba enaku musanvu.