Amainhama 35:23 - Baibuli Ekibono kya Katonda 2014

²³ Batabane ba Leeya ni bano: Reubeni omwana wa Yakobo omuberi, ni Simeoni, ni Levi, ni Yuda, ni Issakari, ni Zebuluni.

Amainhama 35:23 ပူးပေါင်းရင်းမြစ်များ

Amainhama 29:16

Mpegaano, Labani yali ni baghala be babiri; eriina ery'omukulu nga ni Leeya, ate ery'omuto nga ni Rakeli.

Amainhama 29:31

Musengwa Katonda bweyabona nga Yakobo ayenda inho Rakeli okusinga Leeya, yaagha Leeya okuzaala, aye Rakeli yaasigala nga mugumba.

Amainhama 33:2

Yaata abakazi abairu abo n'abaana baibwe emberi, okwo yaizaaku Leeya n'abaana be, memale yaasembyayo Rakeli ni Yosefu einhuma.

Amainhama 49:3

Reubeni, niiwe omwana wange omuberi, niiwe amaani gange; niiwe omwana omuberi ow'omu buvubuka bwange, asinga okuba omukologho era ow'amaani.

1 Ebyomubyanda 12:25

Ab'omu kika kya Simeoni baali kasanvu na kikumi (7,100), nga balwani ba maani abaziramu ntete.

1 Ebyomubyanda 27:16

Luno n'olukalala olw'abaakuliranga ebika bya Isiraeli: Eliezeri mutabane wa Zikuri n'eyakuliranga ekika ekya Reubeni Sefatia mutabane wa Maaka yaakulira ekya Simeoni

Okuvaayo 1:1

Gano n'amaina aga batabane ba Yakobo be yaja nabo mu Misiri, nga buli muntu aja n'ab'omu maka ge:

Ezekieli 48:30

“Gino n'egiriba emiryango gy'ekibuga Yerusalemu: Ku luuyi olw'omukono omugooda olw'e buvandhuba, oluligheza mita enkumi eibiri n'ebibiri n'ataanu (2,250) obuleeyi,

Okubala 1:20

Amaina ag'abantu abaali nga bagheza emyaka amakumi abiri n'okusingagho, abaali basobola okulwana mu lutalo, gaaghandiikibwa nga gajiira ku bika byaibwe ni ku nda dhaibwe. Baatoolera n'ab'ekika kya Reubeni mutabane wa Yakobo omuberi, obungi bwaibwe nga bwaga buti:

Okubala 1:5

Gano n'amaina ag'abantu abo be muja okukola nabo: Ow'omu kika eky'Abareubeni, ni Elizuri mutabane wa Shedeura.

Okubala 10:14

Abo ab'ebendera ey'ekikunsu eky'ekika kya Yuda n'abaasooka okutambula nga bali mu bikunsu byaibwe, Nahashoni mutabane wa Amminadabu nga n'ali kubakulembera.

Okubala 13:4

Gano n'amaina gaibwe: Shammua mutabane wa Zakkuri ow'omu kika kya Reubeni;

Okubala 2:3

Abanaasimbanga weema dhaibwe ku luuyi olw'e buvandhuba, baidha kubanga ab'ekika kya Yuda nga bali mu bikunsu byaibwe. Omukulembeze ow'ab'ekika kya Yuda, ni Nahashoni mutabane wa Amminadabu,

Okubala 26:5

Ekika kya Reubeni, eyali omwana omuberi owa Yakobo, kyalimu enda dhino: eya Hanoka, n'eya Pallu,

Okubala 34:19

Era gano n'amaina gaibwe: Kalebu mutabane wa Yefunne, okuva mu kika kya Yuda;

Okubala 7:12

Omukulembeze eyaghaayo ekigheebwayo kye olunaku olwasooka yali Nahashoni mutabane wa Amminadabu, nga n'akulira ekika kya Yuda.

Ebikolwa by'Abatume 7:8

Agho Katonda yaamukolera endagaano ey'okukeketa. Aburahamu yaazaala Isaaka era yaamukeketa ku lunaku olwomunaana. Isaaka yaazaala Yakobo, Yakobo eyazaala badhaadha baife eikumi n'ababiri.

Amateeka Agokubiri 27:11

Agho Musa yaasikirira abantu ku lunaku olwo ng'akoba ati:

Amateeka Agokubiri 33:6

Musa yaasabira Abareubeni ati: “Abareubeni ka babenga balamu balobe kufa kuwaagho, era balobenga kuba batono.”

Yoshua 13:15

Musa yali amaze okugabira ekika eky'Abareubeni obutaka bwaibwe ng'ajiira ku nda edhaali mu kika omwo.

Yoshua 15:1

Ekiketezo eky'ab'ekika kya Yuda kye baafuna nga kija kyatuuka ku irungu lya Zini ghe likoma, ku luuyi olw'omukono omusaadha olw'e buvandhuba, aghali ensalosalo ni Edomu.

Yoshua 19:1

Akalulu bwe kaakubwa omukuzi ogwokubiri, kaagwa ku kika eky'Abasimeoni ng'enda dhaibwe bwe dhaali. Ekiketezo kyaibwe nga kiri munda mwa kiketezo kya Bayuda.

Yoshua 19:10

Akalulu bwe kaakubwa omukuzi ogwokusatu kaagwa ku kika eky'Abazebuluni ng'enda dhaibwe bwe dhaali. Era ekiketezo kye baafuna ng'omugabo gwaibwe kyaja kyatuukira irala ku kibuga Saridi.

Yoshua 19:17

Akalulu bwe kaakubwa omukuzi ogwokuna, kaagwa ku kika kya Abaissakari ng'enda dhaibwe bwe dhaali.

Okwolekebwa 7:7

ab'omu kika kya Simeoni omutwalo mulala n'enkumi ibiri (12,000); ab'omu kika kya Levi omutwalo mulala n'enkumi ibiri (12,000); ab'omu kika kya Issakari omutwalo mulala n'enkumi ibiri (12,000);

Abalamuzi 5:14

Baava mu Efuraimu baaja mu kiiko, nga banonereza abantu ab'ekika kya Benjamini. Abaduumizi baava mu Makiri, ate abakulu b'abalwani baava mu Zebuluni.

Abalamuzi 5:15

Abakulembeze ba Issakari baidha ni Debora, nga baisa kirala ni Baraki, baamunonereza mu kiiko. Aye ab'ekika kya Reubeni beesalamu, baaloba kusalagho oba banaaja.

Abalamuzi 5:18

Aye ab'ekika kya Zebuluni baaghaayo obulamu okufiira mu lutalo, n'ab'ekika kya Nafutali baaguma okulwana olutalo.

Ruthi 4:11

Agho abataka abakulu n'abantu abandi abaali mu kifo eky'olwekobaano, agho munda ng'omaze okubita mu mulyango ogwingira mu kibuga, baakoba bati: “Yii, tuli badhulizi. Musengwa Katonda aghe enkabi mukazi wo oyo, abe ng'oti ni Rakeli ni Leeya, abo bombi abaavaamu ekika eky'Abaisiraeli. Musengwa Katonda akughe obukombe mu kika eky'Abaefuratha era obe mumanhifu inho mu Bethelehemu.