Amainhama 35:2 - Baibuli Ekibono kya Katonda 2014

² Agho Yakobo yaakoba ab'omu ndhu ye, n'abo boonaboona abaali naye ati: “Musuule ere emisambwa egy'abamaghanga agandi gye muli nagyo mwetukuze, mukyuse ebivaalo, muvaale ebitukula.

Amainhama 35:2 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Amainhama 31:19

Labani yali ng'ajiire okusala ku ntaama obuviiri, Rakeli yaiba emisambwa gya ise egy'omu maka.

Amainhama 31:30

Ndidhi nti wayendanga inho okuja, kuba ng'olumirwa inho endhu ya lata wo. Aye lwaki waiba emisambwa gyange egy'omu maka?”

Amainhama 31:34

Rakeli yali atoire emisambwa egy'omu maka egyo, yaagita mu nsawo ey'oku kintu ekityamibwaku ku ngamiya, yaagityamaku. Labani yaayagaaza mu weema mwonamwona, aye yaaloba kugizuula.

Amainhama 34:2

Shekemu, mutabane wa Hamori Omuhivi omufuzi mu nsi eyo bweyamubona, yaamugema era yaamukaka yaaba naye mu buliri.

Amainhama 35:22

Agho Isiraeli bweyali ng'akaali mu nsi eyo, Reubeni yaaja, yaaba ni Biliha omukazi wa ise ow'embali. Isiraeli yaakimanha. Batabane ba Yakobo baali ikumi na babiri.

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

2 Bakyabazinga 17:29

Aye abantu aba buli ighanga mu bibuga byaibwe mwe baabanga, baayongeranga okwekolera ebifaananie by'emisambwa gyaibwe, baabita mu bifo ebigulumivu eby'okusinzizaamu, Abasamaria bye baaleka nga bazimbye.

2 Bakyabazinga 5:10

Elisha yaamutumira omukwenda okumukoba ati: “Ja onaabe emikuzi musanvu mu mwiga Yorudani, oidha kuwona obe mulongoofu.”

1 Ebyomubyanda 16:26

Emisambwa gyonagyona abantu gye basinza, bifaananie bufaananie. Aye Musengwa Katonda n'eyakola eigulu.

Yobu 1:5

Enaku edh'embaga dhaibwe bwe dhaawangaku, Yobu yaabeetanga okubatukuza. Yaawuunanga mu nkyo, yaagheerayo buli muntu ekigheebwayo ekyokebwa. Kuba Yobu yakobanga mule ati: “Tomanha baana bange bwe baba nga baliku ekibi kye bakoze, ni bavuma Katonda mu myoyo gyaibwe.” Atyo Yobu bwe yakolanga buliidho.

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Okuvaayo 19:14

Kale Musa yaika okuva ku lusozi, yaaja y'abantu yaabatukuza, era baayoza ebivaalo byaibwe.

Okuvaayo 23:13

“Mukuume ebiragiro ebyo byonabyona mulobe kubisobya. Mwerabirire irala emisambwa gyonagyona, era mutaganhanga maina gaagyo na kubabita mu kanwa.

Omulangirizi 5:1

Weegenderezenga inho ng'oli kuja mu isinzizo. Okujaayo n'owulirisa oyege, kisingaku okumala gaghaayo misengo ng'abasiru bwe bakola; kuba tibaidhi nga bali kukola kibi.

Isaia 1:16

Munaabe, mutukule mukomye agho bye mukola nga mbona, ebitali bya butuukirivu. Mulekere agho okukolanga ebibi,

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Yeremia 13:27

Musengwa Katonda oyo ababona nga mukola ebintu ebyenhinhalwa. Era yaababona nga muja eri bakatonda ab'amaghanga agandi ku nsozi ni mu nsiko. Mwaba ng'oti n'omuntu omwenzi, oba ng'oti n'embalaasi enume bw'emoolera okuniina enkazi. Imwe abantu ab'e Yerusalemu mukagwireku! Mulibaaku li abalongoofu?

Yeremia 16:20

Bwenebwene omuntu asobola okwekolera mwene bakatonda ababe? Busa naire, ebintu omuntu by'akola obukole tibiba Katonda mwene.”

Yeremia 5:7

Musengwa Katonda era akoba ati: “Nsobola ntya okubasonigha abantu bange abo, abanvaaku ni balayira ebintu ebisinzibwa ebitali Katonda? Nabagha buli kye beetaaga, aye baaja baafuuka abatali beesigwa, era beesololezanga mu ndhu dha bamalaaya.

Ezekieli 18:31

Mwetooleku ebibi byonabyona bye mubairenga mukola, mufune emyoyo emiyaaka n'endowooza empyaka. Imwe abantu b'eighanga Isiraeli, lwaki mwenda okufa?

Ezekieli 20:7

Naabakoba nti basuule ere ebyenhinhalwa ebibasikiriza, era balobe kweyonoona nga basinza ebitali nze Katonda eby'omu Misiri, kuba ninze Musengwa Katonda waibwe.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Danieli 5:4

Baanhwa omwenge era baasaaka ebisinzibwa ebitali Katonda abyakolebwa mu zaabu, ni mu feeza, ni mu kyuma eky'ekikomo, ni mu kyuma ekigumu einho, ni mu miti, ni mu mabaale.

Abalevi 15:5

Era kiisi anaagemanga ku buliri obw'ow'obulwaire obwo, anaabanga n'okwoza ebivaalo bye era yaanaaba omubiri mu maadhi, era yaasigala nga tiimulongoofu okutuusa eigulo.

Abalevi 17:16

Bw'ataayozenga bivaalo bye era n'atanaabanga mubiri, aidha kubonerezebwanga.”

Okubala 31:24

Muteekwa okwoza ebivaalo byaimwe ku lunaku olwomusanvu, olwo mube abalongoofu. Memale mughange okwidha mu kifo ghe twasimba weema dhaife.”

Ebikolwa by'Abatume 19:26

Aye mubona era muwulira Paulo ono bw'aikiriziisa era bw'akyusiisa abantu kamaala, ti mu Efeso mwonka aye kumpi Asia yoonayoona ng'akoba ati ebintu ebyetebwa bakatonda ebikolebwa abantu obuntu, ti Katonda.

1 Ab'e Korintho 10:7

Mutasinzanga bitali Katonda ng'abandi ku abo bwe baakola, era nga bwe kyaghandiikibwa kiti: “Abantu baatyama okulya n'okunhwa era baira mu makina amabi.”

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Ab'e Galatia 4:8

Eira, bwe mwali nga mukaali kumanha Katonda, mwali bairu ba bintu, mu butuufu ebitali bakatonda.

Amateeka Agokubiri 11:28

Mwidha kukolimirwanga bwe mutaawulirenga biragiro bya Musengwa Katonda waimwe, ni mukyuka okuva ku bye ndi kubalagira olwaleero, aye ni mwira mu kusinza bakatonda be mutasinzangaku.

Amateeka Agokubiri 32:16

Baamuleetera okuba n'enkikidi, nga basinza emisambwa, baamusungughaza nga bakola ebyenhinhalwa.

Amateeka Agokubiri 5:7

Mutasinzanga Katonda wundi okutoolaku nze.

Amateeka Agokubiri 6:14

Mutasinzanga waire omulala ku bakatonda amaghanga agandi be gasinza.

Amateeka Agokubiri 7:25

Mwokyenga n'omuliro ebifaananie ebibaadhe eby'emisambwa gyaibwe. Muteegwanizanga feeza waire zaabu abiriku, era mutamutwalanga, olwo alobe kubafuukira imwe mutego, kuba okusinza ebitali Katonda kiba ekyenhinhalwa eri Musengwa Katonda.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

Yoshua 23:7

Timukolagananga na bantu abo abanaasigalanga mu biketezo bye tuja okunhaga. Timwogeranga bigema ku bakatonda baibwe, oba okulayira nga mukozesa amaina gaibwe, oba okubakubira amakiryaivu n'okubasinza.

Yoshua 24:14

“Mpegaano ni mutyenga Musengwa Katonda era mumugheerezenga n'omwoyo mulala nga muli beesigwa. Musuule ere bakatonda badhaadha baimwe be baagheerezanga nga bakaali eruuyi ere ng'osomoike omwiga era ni bwe baali nga bakaali e Misiri, mugheereze Musengwa Katonda yenka.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Yoshua 24:2

Yoshua yaakoba abantu boonaboona ati: “Musengwa Katonda, Katonda wa Isiraeli akoba ati, ‘Eira, badhaadha baimwe, Tera lata wa Aburahamu ni Nahori, baabanga luuyi ere ng'osomoike omwiga Eufurate, era nga basinza bakatonda abandi.

Yoshua 24:20

Bwe mumuvaaku ni mugheereza bakatonda ab'amaghanga agandi be basinza, aja kukyusa abakole bubi inho abazikirize, abe ng'oti tabangaku mulungi ye muli.”

Yoshua 24:23

Yoshua yaabakoba ati: “Kale ni musuule ere emisambwa gye muli nagyo egisinzibwa abamaghanga agandi, era mweyame okubanga abeesigwa eri Musengwa Katonda, Katonda wa Isiraeli.”

Yuda 1:23

muwonieku abandi nga mubaghendula mu muliro. Abandi mu basaasire aye nga mubatya, nga mwesambira irala n'ebivaalo byaibwe ebyayonebwa ebikolwa byaibwe eby'omubiri.

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.

Ruthi 1:15

Naomi yaakoba Ruthi ati: “Oli kubona mughalikwa wo aizeeyo mu bantu be, ni ye bakatonda be, weena irayo.”

1 Samueli 16:5

Yaabairamu ati: “Na miraala. Ndidhie kughaayo musengo eri Musengwa Katonda. Mukole mwetukuze, mwidhe ninze okughaayo omusengo.” Agho yaatukuza Yesse ni batabane be, era yaabeeta ku kughaayo omusengo ogwo.

1 Samueli 7:3

Agho Samueli yaakoba Abaisiraeli boonaboona ati: “Oba nga mwenda okukyuka okwira ku Musengwa Katonda n'omwoyo gwaimwe gwonagwona, mutoolegho emisambwa egy'amaghanga agandi gyonagyona era mutoolegho n'ebifaananie eby'omusambwa omukazi Ashitarothi. Mwegheereyo irala eri Musengwa Katonda, yenka ye mube mugheereze. Aidha kubawonia Abafilisiti.”