Amainhama 35:19 - Baibuli Ekibono kya Katonda 2014

¹⁹ Agho Rakeli yaafa, baamuziika ku mbali okw'engira eja mu Efuratha, ekyo era nga ni Bethelehemu.

Amainhama 35:19 ပူးပေါင်းရင်းမြစ်များ

Amainhama 35:16

Agho Yakobo n'ab'omu maka ge baava mu Betheli, baatambula. Bwe baali nga babuzaayo katono okutuuka mu Efuratha, ebiseera bya Rakeli eby'okuzaala byatuuka era yaalumwa inho.

Amainhama 35:18

Bwe yali ng'ali kumpi okufa, kuba yali ali kufa, yaatuuma omwana eriina Benoni, ekitegeeza, “Omwana ye nzaaliire mu bulumi.” Aye ise w'omwana yaamutuuma eriina Benjamini, ekitegeeza, “Omwana aliba ow'enkabi.”

Amainhama 48:7

Kino nkikoze olwa inhoko Rakeli: bwe nali nga nva mu Paddani, yafiira ku ngira e Kanaani, nga ghakaasigaireyo entangama okutuuka mu Efurathi. Naamuziika eyo ku mbali kw'engira eja mu Efurathi, ekyo era nga ni Bethelehemu.’ ”

2 Samueli 23:14

Mu kiseera ekyo Daudi yali mu kifo eky'okwewogomamu, ate ekikunsu eky'Abafilisiti nga kisimbye enkambi yaakyo e Bethelehemu.

2 Samueli 23:15

Omwoyo gwadhuuba Daudi oyo, yaakoba ati: “Kale nguli ghaligho omuntu andeeteraku amaadhi ag'okunhwa agava mu nsulo eri ku mulyango ogw'ekibuga e Bethelehemu!”

1 Ebyomubyanda 2:51

Mutabane we owokubiri Saluma ni lata wa Bethelehemu. Mutabane we owokusatu Harefu ni lata wa Bethigaderi.

2 Ebyomubyanda 11:6

Bethelehemu, ni Etamu, ni Tekoa,

Ezera 2:21

Abantu ab'e Bethelehemu baali kikumi n'abiri na basatu (123);

Zabbuli 132:6

Bona, Esanduuku ey'Endagaano twagiwuliza ng'eri e Bethelehemu, twagibona ng'eri mu biketezo bya Yaari.

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Mika 6:2

Imwe ensozi n'imwe emisingi egy'ensi egy'olubeerera, muwulirise omusango gwa Musengwa Katonda. Musengwa Katonda ali n'omusango gw'aghaghabira abantu be. Aja kulumiriza Abaisiraeli.

Matayo 2:1

Agho Yesu bwe yazaalibwa e Bethelehemu mu Buyudaaya, mu byanda bya kyabazinga Herode, ghaabaagho abakugu mu by'emuunienie abaava e buvandhuba baatuuka mu Yerusalemu.

Matayo 2:6

‘Iwe Bethelehemu mu nsi ya Yuda, toli mutene mu bwami obw'omu Yuda, kuba mu iwe n'omwidha okusimuka omufuzi, anaalabirira abantu bange Abaisiraeli.’ ”

Yoshua 19:15

Era yaazingiramu ebibuga bino: Kattathi, Nahalali, Shimuroni, Idala, ni Bethelehemu byonabyona byaghera ebibuga ikumi na bibiri n'ebyalo byaku.

Abalamuzi 17:7

Ghaaligho omwisuka Omulevi, eyali nga yasenga e Bethelehemu mu Buyudaaya.

Ruthi 1:2

Eriina ery'omusaadha oyo nga ni Elimeleki, ate erya mukazi we nga ni Naomi, ate aga batabane baibwe nga ni ba Mahaloni ni Kilioni. Ekika kyaibwe baali Baefuratha. Baali bakaali eyo,

Ruthi 4:11

Agho abataka abakulu n'abantu abandi abaali mu kifo eky'olwekobaano, agho munda ng'omaze okubita mu mulyango ogwingira mu kibuga, baakoba bati: “Yii, tuli badhulizi. Musengwa Katonda aghe enkabi mukazi wo oyo, abe ng'oti ni Rakeli ni Leeya, abo bombi abaavaamu ekika eky'Abaisiraeli. Musengwa Katonda akughe obukombe mu kika eky'Abaefuratha era obe mumanhifu inho mu Bethelehemu.

1 Samueli 10:2

Olwaleero bw'onaava ghano ghe ndi, oidha kwagaana abantu babiri, nga bali kumpi n'amagombe ga Rakeli e Zeluza mu kiketezo kya Benjamini. Baidha kukukobera bati endogoyi dhe wajiire okwagala dhiboneike, era bati mpegaano lata wo aviire ku kulowooza ku ndogoyi, yaira ku kweraliikirira bwa iwe, ng'akoba ati, ‘Nnaakola ntya olw'omwana wange?’

1 Samueli 16:4

Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”

1 Samueli 17:12

Daudi yali mutabane wa Yesse Omuefurathi ow'e Bethelehemu mu Buyudaaya. Yesse oyo yali ni batabane be munaana. Mu biseera bya Saulo, Yesse oyo yali akairiighe inho.