Amainhama 35:18 - Baibuli Ekibono kya Katonda 2014

¹⁸ Bwe yali ng'ali kumpi okufa, kuba yali ali kufa, yaatuuma omwana eriina Benoni, ekitegeeza, “Omwana ye nzaaliire mu bulumi.” Aye ise w'omwana yaamutuuma eriina Benjamini, ekitegeeza, “Omwana aliba ow'enkabi.”

Amainhama 35:18 ပူးပေါင်းရင်းမြစ်များ

Amainhama 30:1

Rakeli bweyabona nga tazaalira Yakobo baana, yaagemerwa muganda we ensaalwa, yaakoba Yakobo ati: “Mpa abaana, oba ti n'ekyo ntuuse okufa.”

Amainhama 35:17

Bwe yali ng'ali kulumwa inho, omuzaalisa yaamukoba ati: “Otatya kuba ozaire omwana omulenzi owundi.”

Amainhama 35:19

Agho Rakeli yaafa, baamuziika ku mbali okw'engira eja mu Efuratha, ekyo era nga ni Bethelehemu.

Amainhama 35:24

Batabane ba Rakeli ni bano: Yosefu, ni Benjamini.

Amainhama 42:38

Aye Yakobo yaakoba ati: “Omwana wange taidha kuja n'imwe, kuba muganda we yafa, era mpegaano ni yenka asigairegho. Akabi bwe kalimutuukaku mu lugendo lwe muja okutambula, olwo muliba mundeeteire obughafu obulindhita nze omukaire.”

Amainhama 42:4

Aye Yakobo yaaloba kutuma Benjamini, muganda wa Yosefu, ghalala ni baganda be. Kuba yatya ati akabi kasobola okumutuukaku.

Amainhama 43:14

Katonda Aghanga Ebintu Byonabyona abagemerwe ekivunika nga muli mu maiso g'omusaadha oyo, omusaadha oyo asobole okubairiza muganda waimwe owundi, ni Benjamini. Nze oba ndi wa kufiirwa baana bange, ndibafiirwa.”

Amainhama 49:27

Benjamini ali ng'oti n'omusege omuswankuzi. Enkyo alya by'ayiize, eigulo yaagabaniamu by'anhaze.”

1 Ebyomubyanda 4:9

Ghaaligho omusaadha nga ni Yabezi, eyali ow'ekitiibwa okusinga baganda be. Inhina yamutuuma eriina eryo Yabezi, kuba yamuluma inho ng'amuzaala.

Zabbuli 16:10

kuba tiwandekulira agho ni bantwala magombe, oba okuleka omwiru wo akutya okuja mu bafu.

Zabbuli 80:17

Aye kuuma abantu bo be weerondera, olabirire eighanga lye wafuula ery'amaani.

Okuvaayo 12:7

Agho batoole ku musaayi gwadho bagusiige ku myango egy'emiryango egy'endhu eriirwamu ensolo edho ku gy'omu mbali gyombi, ni ku gwa ghaigulu.

Okulira 2:12

Balira nga basuubira bakaire baibwe okubagha eky'okulya n'eky'okunhwa. Batondoka baagwa ku nguudo edh'ekibuga ng'oti n'abasaadha abatabaazi be bafumiite. Obulamu obw'abaana abo buja nga buweeragho mu ngalo dha bakaire baibwe.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Luka 23:46

Yesu yaaleekaana ati: “Lata, nta omwoyo gwange mu ngalo dho!” Bwe yamala okwogera atyo yaisa omuuka ogusembayo.

Ebikolwa by'Abatume 7:59

Bwe baali nga bamukuba amabaale, Sitefano yaasaba ati: “Musengwa Yesu, twala omwoyo gwange.”