Amainhama 34:30 - Baibuli Ekibono kya Katonda 2014

³⁰ Yakobo yaakoba Simeoni ni Levi ati: “Mundeeteire obuzibu. Mpegaano Abakanaani n'Abaperizzi n'abandi boonaboona ab'omu nsi eno baja kunkyagha. Ndi n'abantu batono. Kale bale boonaboona bwe balyesoloza ni baanumba, balinsaaniagho n'amaka gange goonagoona.”

Amainhama 34:30 ပူးပေါင်းရင်းမြစ်များ

Amainhama 12:12

Era Abamisiri bwe banaakubona baidha kukoba bati ono ni mukazi we olwo nze bandhite, aye iwe bakuleke obeegho.

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 12:6

Aburamu yaaja ng'atambula mu nsi eyo, yaatuuka ku muti gwa More mu kifo ekitukuvu e Shekemu. Mu biseera ebyo Abakanaani nga n'abali mu nsi eyo.

Amainhama 13:7

Kale ghaabangagho okusoola ghagati gh'abaayi ab'ente dha Aburamu n'abo abaayayanga edha Loti. Mu biseera ebyo Abakanaani n'Abaperizzi nga n'abali mu nsi eyo.

Amainhama 34:2

Shekemu, mutabane wa Hamori Omuhivi omufuzi mu nsi eyo bweyamubona, yaamugema era yaamukaka yaaba naye mu buliri.

Amainhama 34:29

Era baatwala eby'obukombe byonabyona, baanhaga abaana boonaboona abato, n'abakazi boonaboona, ni byonabyona ebyali mu mayumba.

Amainhama 34:31

Aye baamubuuza bati: “Obwo yakola bulungi okubisa mwanhinaife nga malaaya?”

Amainhama 46:26

Eizaire lya Yakobo eryaja mu Misiri lyalimu abantu nkaaga na mukaaga (66), nga tobaliireeku baka batabane be.

Amainhama 46:27

Batabane ba Yosefu abaamuzaalirwa mu Misiri, baali babiri. Abantu boonaboona ab'omu ndhu ya Yakobo abaaja mu Misiri, baali nsanvu.

2 Samueli 10:6

Abammoni bwe baabona nga baleeteire Daudi okubakyagha, baapangisa abalwani ab'oku bigere Abasiria ab'e Betherehobu n'ab'e Zoba nga baghera emitwalo ebiri (20,000), baapangisa ni kyabazinga w'e Maaka yaidha n'abalwani lukumi (1,000), era baapangisa n'abalwani omutwalo mulala n'enkumi ibiri (12,000) abaava e Tobu.

2 Samueli 16:21

Ahithofeli yaamwiramu ati: “Ja obe ni baka lata wo ab'embali mu buliri, be yaleka okukuuma ekisaagaati eky'obwakyabazinga. Olwo Abaisiraeli boonaboona bwe banaakiwulira, baidha kukitegeera bati ofuuse muzigu eri lata wo. Ekyo kireetere abantu abali n'iwe okweyongeramu amaani.”

1 Bakyabazinga 11:25

Yaafuga Siria, era yaaba muzigu wa Isiraeli inho mu biseera bya Solomoni byonabyona, yaataghaania Isiraeli ng'oti ni Hadadi bwe yakola.

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

1 Ebyomubyanda 16:12

Muteerabiranga ebyewuunhio n'eby'amaani bye yakola, era n'ensala ye yasalamu emisango,

1 Ebyomubyanda 16:19

Abantu ba Katonda baali bakaali batono abazira ghe baaga, era nga basenze mu nsi eyo.

1 Ebyomubyanda 19:6

Kyabazinga Hanuni n'Abammoni bwe baabona nga baleeteire Daudi okubakyagha, baasasula kilo dha feeza emitwalo esatu n'enkumi ina (34,000), okupangisa ebigaali eby'omu lutalo n'abavuzi b'embalaasi okuva e Mesopotamia, n'e Aramu Maaka ekya Siria, n'e Zoba.

1 Ebyomubyanda 2:7

Karumi yaazaala Akari eyaleetera Abaisiraeli obuzibu, olw'okwonoona ebintu ebyali bigheereibwayo okuba ebya Katonda.

Zabbuli 105:12

Abantu ba Katonda baali bakaali batono abazira ghe baaga, era nga basenze busenze mu nsi eyo.

Okuvaayo 5:21

baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Ensambo 11:17

Omuntu ow'ekisa akifunamu omuganhulo, aye akola eby'obukambwe yeerumya mwene.

Ensambo 11:29

Ole adaazadaaza ab'endhu ye azira mugabo gw'alisikira. N'omusiru aidha kubanga mugheereza wa mugezi.

Ensambo 15:27

Omuntu alulunkanira okufuna amagoba mu kukupankupania aleetera ab'omu maka ge ebizibu, aye ole akyagha enguzi aghangaala.

Amateeka Agokubiri 4:17

oba ensolo yoonayoona ey'oku nsi, oba enhonhi ey'amaghagha eguluka,

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.

Amateeka Agokubiri 7:7

“Musengwa Katonda yabagonza era yaabalondamu, ti lwa kuba nga mwali kamaala inho okusinga amaghanga agandi mu butuufu mwali eighanga erisingayo obutono mu maghanga goonagoona.

Yoshua 7:25

Bwe baatuuka eyo Yoshua yaakoba Akyani ati: “Lwaki watuleetaku obuzibu obwaga agho? Leka buti weena Musengwa Katonda akuleeteku obuzibu!” Agho abantu boonaboona baakuba Akyani amabaale yaafa. N'ab'omu maka ge boona baabakuba amabaale baafa, era baabookya n'ebyaibwe byonabyona.

1 Samueli 13:4

Abaisiraeli boonaboona baawulira bati Saulo aghangwire enkambi y'abalwani Abafilisiti. Era baawulira bati Abafilisiti beesiniirwa Abaisiraeli. Kale abantu baayetebwa okuja okweyimba ku Saulo e Giligali.

1 Samueli 16:2

Samueli yaakoba ati: “Nsobola ntya okuja eyo? Saulo bw'alikiwulira aja kundhita!” Musengwa Katonda yaamukoba ati: “Ja n'ente ento, olikoba oti, ‘Ndidhie kughaayo musengo eri Musengwa Katonda.’

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”

1 Samueli 27:12

Agho Akishi yeesiga Daudi, ng'akoba mule ati: “Bwenebwene Daudi yeereeteire abantu be Abaisiraeli okumukyayira irala, n'olw'ekyo aidha kubanga mugheereza wange buliidho.”