Amainhama 34:20 - Baibuli Ekibono kya Katonda 2014

²⁰ Hamori ni mutabane Shekemu baaja mu kifo eky'olwekobaano ku mulyango gw'ekibuga kyaibwe, baayogera n'abantu ab'omu kibuga ekyo bati:

Amainhama 34:20 ပူးပေါင်းရင်းမြစ်များ

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 23:10

Efuroni mwene yali ng'atyaime ghalala n'Abahitti abandi, mu kifo eky'olwekobaano ku mulyango gw'ekibuga agho yairamu nga n'abaligho boonaboona bawulira ati:

Amainhama 34:19

Era omwisuka yaayangugha okukola ekyo, kuba yali ng'ayenda inho mughala wa Yakobo. Omwisuka oyo yali wa kitiibwa okusinga abandi boonaboona ab'endhu ya ise.

Amainhama 34:21

“Abasaadha bano balungi ye tuli. Tubaleke babenga mu nsi eno ghalala n'ife era basuubulirengamu, kuba ensi ngazi ekimala. Ife tubayizenga baghala baibwe, boona tubaghenga baghala baife bababayize.

2 Samueli 15:2

Abusalomu oyo yaawuunanga, yaayemerera ku ngira aghali omulyango ogwingira mu kibuga. Omuntu yeenayeena eyaidhanga ng'ali n'ensonga yaayenda kyabazinga awulire, Abusalomu oyo ng'amweta yaamubuuza ati: “Oviira mu kibuga ki?” Ole bweyamwirangamu ati: “Nze omugheereza wo ndi wa mu kika lebe eky'omu Isiraeli,”

Yobu 29:7

Bwe najanga mu kifo eky'olwekobaano ku mulyango ogwingira mu kibuga, nga nja mu kifo ekyange

Zabbuli 127:5

Yeesiimye oyo ali n'ekiruutu kye ekiidhwire obulaso obwo, kuba abazigu be tibaja kumusinga ng'ali mu kifo aghasalirwa ensonga.

Ensambo 31:23

Iba aba mumanhifu mu kifo eky'olwekobaano ku mulyango ogwingira mu kibuga, ng'atyaime n'abakulembeze ab'omu kiketezo kye.

Amosi 5:10

Abantu imwe, mukyagha omuntu abatakania olw'okusaliriza mu mbuga dh'amateeka. Era n'omuntu ayogera amazima abasina.

Amosi 5:12

kuba ndidhi ebibi byaimwe bwe byaga obungi, era naamanha emisango gye mwaiza bwe gyaga obunene. Mudaazadaaza abantu abatuufu, mwalya enguzi. Era mwafuulaniafuulania ensonga edh'abaghafu, mwabasaliriza mu mbuga dh'amateeka.

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Zekaria 8:16

Bino bye mugwaine okukolanga: buli muntu akobere mwine amazima. Musalenga mu mazima mu mbuga dhaimwe edh'amateeka, mu nsambo ereetagho emiraala.

Amateeka Agokubiri 17:5

omusaadha oyo oba omukazi oyo akoze ekibi ekyo, munaamufulumyanga ku luya kw'ekibuga kyaimwe, mwamukuba amabaale yaafa.

Ruthi 4:1

Boazi yaaja mu kifo eky'olwekobaano ku mulyango ogwingira ekibuga, yaatyama. Agho omusaadha asobola okuba omusika wa Elimeleki, Boazi ye yayogeraku asooka, yaidha. Boazi yaamweta ati: “Idha Mukagwa, otyameku ghano.” Yeena yaaja yaatyama.