Amainhama 34:14 - Baibuli Ekibono kya Katonda 2014

¹⁴ Baakoba bati: “Titusobola kukola ekyo: okugha mwanhinaife omusaadha atali mukekete, kuba ekyo kiba nga kitunhoomoola inho.

Amainhama 34:14 ပူးပေါင်းရင်းမြစ်များ

Amainhama 17:11

Anaakeketebwanga oluwutu olw'omubiri gwe ako n'akanaabanga akamanhiso ak'endagaano yange n'imwe.

Amainhama 17:14

Omusaadha yeenayeena atali mukekete, ataakeketebwa luwutu lwa mubiri gwe, aidha kwawulwanga ku bantu be, kuba anaabanga amenhie endagaano yange.”

Amainhama 34:13

Aye batabane ba Yakobo bairamu Shekemu ni ise Hamori nga baguya, kuba Shekemu yali asobiiza ku mwanhinaibwe Dina.

Amainhama 34:15

Twidha kubaganha lwa kino kyonka: muli n'okuganha okuba nga ife nga kiisi musaadha mu imwe akeketebwa.

2 Samueli 1:20

Mutakikoberaku bantu b'e Gathi, waire okukisansaania mu nguudo edh'e Ashikeloni; kuba mwidha kuleetera baghala b'Abafilisiti okusagamba, olwo muleetere baghala b'abantu abo abatali bakekete okutuumira ghaigulu olw'eisanhu.

2 Samueli 15:7

Bwe ghaabitagho emyaka ena, Abusalomu yaakoba kyabazinga Daudi ati: “Nkweghemba ondhikirize nje e Heburoni ntuukirize obweyamo bwange bwe neeyama eri Musengwa Katonda.

1 Bakyabazinga 21:9

Yaaghandiika mu mbaluwa edho ati: “Mulangirire olunaku olw'okusiiba, mwete abantu beesoloze, era mute Nabothi mu kifo eky'emberi eky'ekitiibwa.

Matayo 2:13

Agho ng'abo baakavaagho, malaika wa Musengwa yaabonekera Yosefu mu kirooto yaamukoba ati: “Situka otoole omwana n'inhina mulumukire e Misiri, era musigale eyo okutuusa lwe ndiba ni kye nkukoba, kuba Herode aja kunoonia omwana okumwita.”

Matayo 2:8

Yaabatuma e Bethelehemu ng'akoba ati: “Muje mwagale bukalamu omwana oyo, era bwe mumuzuula muntemyaku zeena nsobole okwidha okumusinza.”

Ab'e Roma 4:11

Olumaliira yakeketebwa, okukeketebwa kwe kaaba akamanhiso akakakasa obutuukirivu, bwe yagheebwa olw'okwikiriza kwe, ng'akaali kukeketebwa memale yaaba dhaadha w'abo boonaboona abaikiriza Katonda, ababalibwa okuba abatuukirivu ni bwe baba nga ti bakekete.

Abalamuzi 14:3

Aye ise n'inhina baamubuuza bati: “Lwaki oyenda okubayiza omukazi mu Bafilisiti abatali bakekete? Toghanga kufuna mukazi mu batuliku luganda, oba mu bantu baife boonaboona?” Aye Samusoni yaakoba ise ati: “Nfunira oyo, kuba ye nsiimye.”

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”