Amainhama 32:28 - Baibuli Ekibono kya Katonda 2014

²⁸ Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 32:28 ပူးပေါင်းရင်းမြစ်များ

Amainhama 17:15

Era Katonda yaakoba Aburahamu ati: “Ate mukazi wo Sarai, tokaamweta Sarai, aye oidha kumwetanga Sara.

Amainhama 17:5

Tokairayo kwetebwa Aburamu, aye oidha kwetebwanga Aburahamu, kuba nkufiire dhaadha ow'amaghanga kamaala.

Amainhama 25:31

Yakobo yairamu ati: “Mpaamu obukulu bwo obw'okuba omwana omuberi memale mbikughe.”

Amainhama 31:24

Aye Katonda yaidhira Labani Omuaramea obwire mu kirooto, yaamukoba ati: “Weegendereze olobe kubaaku kintu kyonakyona ky'okoba Yakobo, kya kumutiisatiisa.”

Amainhama 32:24

Aye mwene yaasigala eyo yenka. Ghaidhagho omusaadha, yaatuulana naye ekigwo, okutuusa obwire okukya.

Amainhama 32:27

Omusaadha yaamubuuza ati: “Eriina lyo niiwe ani?” Yairamu ati: “Ninze Yakobo.”

Amainhama 33:20

Yaazimbagho alutaari, yaagituuma eriina Eli Elohe Isiraeli.

Amainhama 33:4

Aye Esau yaalumuka okuja okumwagaana, yaamugwa mu kifuba era yaamwevumba, bombi baalira amaziga.

Amainhama 35:10

Yaamukoba ati: “Eriina lyo niiwe Yakobo aye, okuva ni mpegaano tokaayetebwa Yakobo. Oidha kwetebwanga Isiraeli.”

2 Samueli 12:25

era yaatuma Nathani omulanzi yaagha omwana oyo eriina Yedidia, kuba Musengwa Katonda oyo yamugonzanga inho.

1 Bakyabazinga 18:31

Yaatoola amabaale ikumi n'abiri, ng'ajiira ku bungi obw'ebika eby'abantu ebisimuka mu Yakobo. Yakobo oyo, Musengwa Katonda ye yakoba ati: “Oidha kwetebwanga Isiraeli.”

2 Bakyabazinga 17:34

Ni ye buli eno bakaakola nga bwe baakolanga eira. Tibatya Musengwa Katonda, era tibagema mateeka ge waire okugondera ebiragiro bye, bye yagha ab'eizaire lya Yakobo ye yatuuma eriina Isiraeli.

1 Ebyomubyanda 1:34

Aburahamu yaazaala Isaaka. Isaaka yazaala Esau, ni Isiraeli.

Ensambo 16:7

Omuntu bw'akola ebisanhusa Musengwa Katonda, Musengwa Katonda oyo afuula n'ababaire abazigu b'omuntu oyo baaba bakagwa be.

Isaia 43:1

Aye mpegaano iwe Isiraeli, Musengwa Katonda eyakutonda akoba ati: “Otatya, kuba ndidha kukununula. Era namala irala okukweta eriina lyo, buti oli wange.

Isaia 65:15

Abo be nalondamu balikozesanga eriina lyaimwe nga bakolima. Era imwe, nze Musengwa Katonda, ninze mwene ndibaita, aye abo abakola bye nhenda ndibatuuma eriina eiyaaka.

Okubala 13:16

Ago n'amaina ag'abantu Musa be yatuma okukeeta ensi Kanaani. Era Musa yakyusa eriina lya Hoshea mutabane wa Nuni, yaamweta Yoshua.

Yoanne 1:42

Yaatwala Simoni eri Yesu. Yesu bwe yamubona yaamukoba ati: “Niiwe Simoni mutabane wa Yoanne? Oidha kwetebwanga Kefasi,” amakulu gaakyo nti Petero n'olubaale.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.

1 Samueli 26:25

Saulo yaakoba Daudi ati: “Mwana wange Daudi, Musengwa Katonda akughenga enkabi. Oidha kubanga mughanguzi mu byonabyona by'onaakolanga.” Agho Daudi yaagema engira yaaja, ate Saulo yairayo ewuwe.