Amainhama 32:20 - Baibuli Ekibono kya Katonda 2014

²⁰ Munaamukoba muti ‘Bwenebwene omugheereza wo Yakobo ali kutuvaaku einhuma!’ Kuba Yakobo yakoba mule ati, ‘Ndidha kumuwooyawooya n'ebirabo ebinkulembeiremu, olwo bwe nnaamwagaana, katyo anaatusangaalira.’ ”

Amainhama 32:20 ပူးပေါင်းရင်းမြစ်များ

Amainhama 32:19

Era yaalagira n'owokubiri, n'owokusatu, n'abandi boonaboona abaatwala ebikunsu by'ensolo, yaabakoba ati: “Mutyo bwe munaakoba Esau nga mumwagaine.

Amainhama 32:21

Kale yaamukulembezaamu ekirabo, aye mwene yaasula agho obwire obwo.

Amainhama 43:11

Agho Isiraeli iseibwe yaabakoba ati: “Oba nga kityo bwekiri, mukole muti: mutwale mu nsawo dhaimwe ebirabo bye munaagha omusaadha oyo. Mumutwalire ku bintu eby'omu nsi eno ebisinga kuba birungi: ku busando obw'akawoowo, ni ku mudheenene gw'endhuki, ni ku buwoowo obwetebwa balamu ni mirra, ni ku maido ag'omu itaka n'ag'oku miti.

1 Bakyabazinga 20:31

Abakungu be baamukoba bati: “Twawulira tuti bakyabazinga ba Isiraeli baba ba kisa. Tukusaba otuganhe twesibe ekutiya mu nkende n'emigugha mu nkoto, tuje eri kyabazinga wa Isiraeli, tomanha bw'awonia bulamu bwo.”

Ensambo 15:18

Omuntu asungughala amangu asiikuula okusoola, aye ole alwagho okusungughala amalagho obutaisania.

Ensambo 16:14

Kyabazinga bw'asungughala asobola n'okwita, kale omugezi ky'akola n'okumuwooyawooya.

Ensambo 18:16

Omuntu ali n'ekirabo ky'aleeta bamusegulira yaabita, yaatuuka ni mu maiso ag'abantu abakologho.

Ensambo 21:14

Ekirabo ekigheerwa mu ngiso kiikaikania obusungu; era enguzi egabibwa mu kyama ewooyawooya ali n'ekiruyi.

Ensambo 6:35

Ezira mutango gw'aliganha kutwala, era talinhiigulukuka ni bw'omugha ebirabo eby'okulala okulala.

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

2 Timotheo 2:25

era agalagira abamutakania aghazira ikabyo, kuba tomanha Katonda bw'abagha kwenenia ni beiraku ni bamanha mazima.

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.