Amainhama 32:13 - Baibuli Ekibono kya Katonda 2014

¹³ Yakobo yaasula agho obwire obwo, yaatoola ku bye yali nabyo okugha muganda we Esau ekirabo:

Amainhama 32:13 ပူးပေါင်းရင်းမြစ်များ

Amainhama 13:16

Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 18:2

Bwe yalinga ati, yaabona abasaadha basatu nga beemereire agho. Era olwababona ati, yaayangughaku okuja okubasangaaza. Agho yaakutama n'ekyeni kyatuuka ku itaka,

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 32:14

nga n'omuli embuzi enkazi ebikumi bibiri, n'enume amakumi abiri entaama enkazi ebikumi bibiri, n'enume amakumi abiri.

Amainhama 33:10

Yakobo yaakoba ati: “Busa, nkweghembye bw'oba ng'ongemeirwa ekivunika ganha otwale ekirabo ekiva mu ngalo dhange. Kuba okubona amaiso go, kuli ng'oti n'okubona amaiso ga Katonda, olw'ensambo y'onsangaaliiremu n'ekivunika ekyaga agho.

Amainhama 33:8

Esau yaabuuza ati: “Ekikunsu ekyo kyonakyona kye ndhagaine, kitegeeza ki?” Yakobo yairamu ati: “Kyenda iwe musengwa wange ongemerwe ekivunika.”

Amainhama 42:6

Yosefu n'eyali omufuzi w'ensi Misiri, era n'eyaguzanga engaano abantu boonaboona abaavanga woonawoona mu nsi. Kale baganda be baidha, baakuba amakiryaivu mu maiso ge, nga n'obweni butuuse ku itaka.

Amainhama 43:11

Agho Isiraeli iseibwe yaabakoba ati: “Oba nga kityo bwekiri, mukole muti: mutwale mu nsawo dhaimwe ebirabo bye munaagha omusaadha oyo. Mumutwalire ku bintu eby'omu nsi eno ebisinga kuba birungi: ku busando obw'akawoowo, ni ku mudheenene gw'endhuki, ni ku buwoowo obwetebwa balamu ni mirra, ni ku maido ag'omu itaka n'ag'oku miti.

Amainhama 43:26

Yosefu bweyaira eka, baganda be baamuleetera mu ndhu ebirabo bye baali nabyo, era baamukubira amakiryaivu.

Nehemia 4:13

Kale buli inhuma gha kimante, ghe kyali nga kikaali kuwa kuzimbibwa, naajanga nga ntaayo abantu nga njiira ku nda dhaibwe, nga bagemye empiima dhaibwe, n'amafumo gaibwe, n'obulaso bwaibwe.

Ensambo 17:8

Abantu abakozesa enguzi bagyesiga ng'oti bulezi, era bagyesiguliraku bati ezira ky'eremwa.

Ensambo 18:16

Omuntu ali n'ekirabo ky'aleeta bamusegulira yaabita, yaatuuka ni mu maiso ag'abantu abakologho.

Ensambo 19:6

Abantu kamaala benda okukwana omuntu ow'ekitiisa, era buli muntu yeegomba abe mukagwa w'omuntu omugabi.

Ensambo 21:14

Ekirabo ekigheerwa mu ngiso kiikaikania obusungu; era enguzi egabibwa mu kyama ewooyawooya ali n'ekiruyi.

1 Samueli 25:27

Era mperaano, musengwa wange, ekirabo kino nze omugheereza wo omukazi kye nkuleeteire, kighe abasaadha bo.

1 Samueli 25:8

Iwe babuuze, baidha kukukobera. Kale ni sangaaza abaisuka bange n'ekisa, kuba twidhiire ku lunaku lwa kibinuko. Nkweghembye ganha oghe abagheereza bo abo, kyonakyona ky'onaaba nakyo era ompeerezeeku zeena, nze mutabane wo Daudi.’ ”