Amainhama 32:10 - Baibuli Ekibono kya Katonda 2014

¹⁰ Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

Amainhama 32:10 ပူးပေါင်းရင်းမြစ်များ

Amainhama 18:27

Aburahamu yaayogera kabiri ati: “Wo Musengwa, nsonigha okukana ni ndhogera n'iwe ntyo, ate nga nze ndi nkungu bukungu era eivu obuvu.

Amainhama 24:12

Yaasaba ati: “Wo Musengwa Katonda, iwe Katonda wa musengwa wange Aburahamu, nkweghembye mpa enkabi olwaleero, era oyoleke musengwa wange Aburahamu nga bw'omugonza obutalekera.

Amainhama 24:27

Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 28:15

Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 30:43

Mu nsambo eyo Yakobo yaafuuka mukombe inho, yaaba n'ebyayo kamaala, n'abairu abakazi n'abasaadha, n'engamiya era n'endogoyi.

Amainhama 31:3

Agho Musengwa Katonda yaakoba Yakobo ati: “Irayo mu nsi ya badhaadha bo, era y'aboluganda lwo. Ndidha kubanga n'iwe.”

Amainhama 32:5

Era ndi n'ente, n'endogoyi, n'ebighaso by'entaama n'embuzi, era n'abairu abasaadha n'abakazi. Nkutumiire okukukobera, musengwa wange, ongemerwe ekivunika.’ ”

Amainhama 32:7

Yakobo yaatya inho era yeeraliikirira. Yaayawulamu ebikunsu bibiri mu bantu be yali nabo, era yaayawula ni mu byayo bye yali nabyo: entaama, n'embuzi, n'ente, n'engamiya.

2 Samueli 17:24

Agho Daudi yaatuuka e Mahanaimu, eno nga Abusalomu bw'asomoka omwiga Yorudani n'Abaisiraeli boonaboona.

2 Samueli 7:18

Agho kyabazinga Daudi yangira mu Weema, yaatyama mu maiso ga Musengwa Katonda, yaakoba ati: “Wo Musengwa Katonda wange, katyo nze ninze ani era n'ab'endhu yange ni baani, iwe okutukolera ebyo byonabyona by'otukoleire?

Yobu 17:9

Aye abo abeeyeta abatuufu, beeyongera bwa kwegumya bati batuufu.

Yobu 8:7

Ebintu bye wafiirwa mu kusooka byali bitono inho, bw'obigerangerania ku ebyo by'olifuna mu biseera eby'oluvainhuma.”

Zabbuli 16:2

Nze nkoba Musengwa Katonda nti: “Niiwe Musengwa Katonda wange, nzira kikalamu kyonakyona okutoolaku iwe.”

Zabbuli 18:35

Iwe Musengwa Katonda onkuuma era wandokola. Amaani ag'omukono gwo omusaadha gambeera mu bye nkola, era olw'okumbeera kwo ndi mukologho.

Zabbuli 61:7

abeegho mu maiso ga Katonda nga kyabazinga ebyanda n'ebyanda. Era olw'obwesigwa bwo mukuumenga ng'omugonza obutalekera.

Zabbuli 8:5

Aye ate nga wamukola ng'abulaku katono okuba nga Katonda, waamuvaaza engule ey'ekitiisa era waamugha okutiibwa.

Zabbuli 84:7

Bwe batambula baja nga bwe beeyongera okufuna amaani; balibona Katonda asinga bakatonda mu Sioni.

Zabbuli 85:10

Okugonza okutakoma kwidha kwagaanana n'obwesigwa; ate obutuufu bunhwegeragane n'emiraala.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 63:7

Ndiromboodha nga Musengwa Katonda bw'atugonza nga talekera, era naamusaaka olw'ebyo byonabyona by'atukoleire. Era ndimusaaka kuba ayoleike ekisa ekitaloodheka eri ab'endhu ya Isiraeli, olw'okusaasira kw'ali nakwo okwidhwire okugonza okungi einho.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Luka 17:10

Kale mwena bwe mukolanga ebyo byonabyona ebibalagirwa mukobanga muti ‘Tuli bagheereza abazira kye tugasa, tukoze bw'ekyo kye tuteekwa okukola.’ ”

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

2 Ab'e Korintho 12:11

Ndi oti musiru aye niimwe mundeeteire okuba ntyo, kuba mbaire ngwaniire okusaakibwa imwe. Waire tiri kintu, abo be mweta okuba abatume abakulu einho ghazira ni kye bansingamu naire.

Amateeka Agokubiri 8:18

Aye Mwidhukirenga muti Musengwa Katonda waimwe, n'abagha amagezi okukombaghala, ng'atuukiriza endagaano ye yakola ni badhaadha baimwe ni ye buli eno.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”