Amainhama 31:7 - Baibuli Ekibono kya Katonda 2014

⁷ Aye iseimwe yanguyaguya, yaakyusakyusa empeera yange emikuzi ikumi, aye Katonda yaaloba kumuganha kunkolaku kabi.

Amainhama 31:7 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Amainhama 20:6

Katonda yaamwiramu mu kirooto ati: “Ndidhi ng'ekyo wakikoze mu mwoyo mulungi, era nga ninze nkulobeire okukola ekibi ye ndi, kale kye naviire ni ndoba okukuganha okumugemaku.

Amainhama 29:25

Bwe bwakya enkyo, Yakobo yaja okubona ati, nga ye baamugha ni Leeya. Agho yaaja yaakoba Labani ati: “Kiki kino ky'onkoze? Tyakukolera lwa kwenda kufuna Rakeli? Kale lwaki wanguyiiya?”

Amainhama 30:28

Kale nsalira empeera y'oyenda, ndidha kugikugha.”

Amainhama 31:24

Aye Katonda yaidhira Labani Omuaramea obwire mu kirooto, yaamukoba ati: “Weegendereze olobe kubaaku kintu kyonakyona ky'okoba Yakobo, kya kumutiisatiisa.”

Amainhama 31:29

Mbaire nsobola okukukolaku akabi. Aye Katonda wa lata wo yankobye obwire ati, ‘Weegendereze, olobe kubaaku kintu kyonakyona ky'okoba Yakobo, kya kumutiisatiisa.’

Amainhama 31:41

Mu myaka egyo amakumi abiri gye mbaire mu maka go, nakukolera emyaka ikumi n'ena okufuna baghala bo bombi. Era naakukolera mu byayo byo emyaka mukaaga, aye iwe waakyusakyusa empeera yange emikuzi ikumi.

Nehemia 4:12

Abayudaaya abaabanga aghalala n'abazigu baife, nga baidha emikuzi kamaala baatukoba bati: “Abazigu baife baidha kuva mu bifo yoonayoona ye baba, baidhe batulumbe.”

Yobu 1:10

Wamukolera olukomera okumwezunguluza mwene n'amaka ge, n'ebibye byonabyona by'ali nabyo. By'akola byonabyona obigha enkabi, n'obukombe bwe, bweyongeire obungi mu nsi.

Yobu 19:3

Mwiragainemu emikuzi kamaala nga muli ku nze mwevumira, timuswalaku kumbisa mutyo?

Yobu 19:8

Katonda asembye engira yange, nzira bwe mbitagho; ansibiire mu nzikiiza, tikaabona ye nja.

Zabbuli 37:28

Kuba Musengwa Katonda ayenda inho ekituufu kikolebwe, era taja kulekulira agho abo abamutya. Taja kuganha kibi kutuuka ku bantu batuufu ebyanda n'ebyanda aye eizaire ly'ababi lija kuwaagho.

Isaia 4:1

Olunaku olwo bwe lulituuka, abakazi musanvu balyegema omusaadha mulala baamwesibaku, nga bakoba bati: “Ife tuneeyagaliranga beene eky'okulya n'eky'okuvaala. Aye mala gaikiriza twetebwenga bakazi bo, otuwonie okuswalanga olw'obutafumbirwa.”

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Okubala 14:22

ghazira ku bantu abo alituuka mu nsi eyo. Abantu abo baabona ekitiisa kyange n'obumanhiso bye nakolera mu Misiri ni mu irungu, aye era bansonsoonia emikuzi gino eikumi, baaloba kuwulira bye mbakoba.