Amainhama 31:53 - Baibuli Ekibono kya Katonda 2014

⁵³ Katonda wa Aburahamu era Katonda wa Nahori, atusalirenga omusango nze n'iwe.” Yakobo yaalayira mu liina lya Katonda wa Isaaka ise, ati aidha kukuumanga endagaano eyo.

Amainhama 31:53 ပူးပေါင်းရင်းမြစ်များ

Amainhama 11:31

Tera yatwala mutabane Aburamu, ni mwidhukulu we Loti, eyali mutabane wa Harani, era yaatwala ni mukaamwana Sarai, eyali muka Aburamu. Yaaja nabo, baava mu Uri ekiri mu nsi ey'Abakaladea, nga baja mu kiketezo eky'e Kanaani. Aye bwe baatuuka mu Harani, baasenga eyo.

Amainhama 14:22

Aye Aburamu yairamu kyabazinga oyo ati: “Ndayira mu maiso ga Musengwa Katonda, oyo Katonda Ali Ghaigulu Yeene, eyakola eigulu n'ensi,

Amainhama 16:5

Sarai yaakoba Aburamu ati: “Ebibi ebiri kunkolwaku bikwirirengaku! Nze nakugha omwiru wange obe naye, aye olwakizuula ng'atoire enda, yaatoolera okwekuluntaza n'okuunhooma. Musengwa Katonda atusalire omusango nze n'iwe!”

Amainhama 17:7

Era ndidha kutaagho endagaano yange n'iwe, era ni baidhukulu bo ab'omu nse dhoonadhoona edhiriiragho, ebenga ndagaano etawaagho. Ndidha kubanga Katonda wo, era Katonda wa baidhukulu bo.

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Amainhama 31:52

Entuumo eno era n'eibaale lino, binaabanga ekikakasa nti: nze tirituuma ntuumo eno kwidha kukulumba, era weena nga tolituuma ntuumo eno n'eibaale lino, kwidha kuunumba.

Amainhama 47:31

Yakobo yaakoba ati: “Layira ng'oidha kukola otyo.” Yosefu yaalayira. Isiraeli yeebaliza ku buliri bwe.

Okuvaayo 3:6

Era yeeyongera okumukoba ati: “Ninze Katonda wa lata wo, Katonda wa Aburahamu, Katonda wa Isaaka era Katonda wa Yakobo.” Musa yeeghemba mu maiso ng'ali kutya okulinga ku Katonda.

Okuvaayo 5:21

baabakoba bati: “Musengwa Katonda aboine kye mukoze, era aidha kubasalira omusango gubasinge! Kuba mutuleeteire okukyayibwa kyabazinga n'abakungu be, era mwabaleetera okuba n'ensonga ye banaavangaku okutwita.”

Amateeka Agokubiri 6:13

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

Yoshua 24:2

Yoshua yaakoba abantu boonaboona ati: “Musengwa Katonda, Katonda wa Isiraeli akoba ati, ‘Eira, badhaadha baimwe, Tera lata wa Aburahamu ni Nahori, baabanga luuyi ere ng'osomoike omwiga Eufurate, era nga basinza bakatonda abandi.

Abalamuzi 11:27

Kale ni ti ninze nsobiiza y'oli, aye niiwe oli kusobya ng'onwanisa. Musengwa Katonda, n'omulamuzi. Leka alamule olwaleero ghagati gh'Abaisiraeli n'Abammoni.”

1 Samueli 20:23

Aye ebyo bye tulayiire twembi, Musengwa Katonda n'aidha okubanga omudhulizi ghagati wo ninze, ebyanda n'ebyanda.”

1 Samueli 24:12

Musengwa Katonda n'abe asale omusango ghagati ghange n'iwe, era n'abe akwesasuulizeeku olw'ebyo by'onkola, aye nze ku lwange nzira kibi kye ndidha kukukola.