Amainhama 31:48 - Baibuli Ekibono kya Katonda 2014

⁴⁸ Labani yaakoba ati: “Entuumo eno, n'obukakafu ghagati wo ninze olwaleero.” Kyeyava n'etuumibwa eriina Galeedi,

Amainhama 31:48 ပူးပေါင်းရင်းမြစ်များ

Amainhama 21:30

Aburahamu yairamu ati: “Twala entaama enduusi dhino omusanvu, ako kabe akamanhiso akooleka kati iwe ondhulira nga ninze eyasima ensulo eyo.”

Amainhama 31:23

Labani yaaja n'ab'ekika kye, yaabingirira Yakobo, olugendo lwa nnaku musanvu, yaamutuukaku mu nsi ey'ensozi, Gileadi.

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Amateeka Agokubiri 3:16

Ate Abareubeni n'Abagadi, naabagabira ekiketezo okuva ku Gileadi okutuuka ku kiiko Arunoni, nga ghagati gh'ekiiko ekyo, n'aghali ensalosalo ku luuyi lw'omukono omugooda olw'e buvandhuba. Ate omwiga Yabboki nga n'ensalosalo n'Abammoni, ku luuyi olw'omukono omusaadha olw'e buvandhuba.

Yoshua 22:27

aye ebe ng'akamanhiso okwoleka abantu baife n'abantu baimwe, n'okwoleka ense edhiritwiririra, nga bwenebwene bwe tusinza Musengwa Katonda era nga bwe tuja mu maiso ga Weema ye entukuvu okumugheereza ebigheebwayo ebyokebwa, n'emisengo, era n'okughaayo ebigheebwayo olw'okutabagana. Ekyo kyaligho olw'okulobera baidhukulu baimwe okukoba abaife bati ebya Musengwa Katonda ghazira ghe bibagemeraku.

Yoshua 22:28

Ekyo n'ekyali ekidhuubo kyaife, tuti bweghabaagho atukoba ebibono ng'oti n'ebyo, oba abikoba baidhukulu baife mu biseera ebiidha, olwo tuliba nga tusobola okukoba tuti, ‘Bona! Badhaadha baife baazimba ekifaanana ng'oti alutaari ya Musengwa Katonda, aye nga ti kya kwokerangaku bigheebwayo oba kugheerangaku misengo, aye nga kamanhiso bumanhiso eri ife n'abantu baife, n'eri imwe n'abantu baimwe.’

Yoshua 22:34

Abareubeni n'Abagadi baatuuma alutaari eriina “Budhulizi” nga bakoba bati alutaari eyo n'obudhulizi ye bali boonaboona, nga baikiriza nga Musengwa Katonda ni Katonda.

Yoshua 24:27

Yaakoba abantu boonaboona ati: “Eibaale lino liidha kubanga mudhulizi, kuba liwuliire ebibono byonabyona Musengwa Katonda by'atukobye. Kale liidha kubanga mudhulizi abalumiriza okubalobera okudheemera Katonda waimwe.”

Abalamuzi 10:3

Tola bwe yamala okufa, ghairagho Yairi, eyava e Gileadi. Yaakulembera Isiraeli okumala emyaka amakumi abiri n'ebiri.