Amainhama 31:36 - Baibuli Ekibono kya Katonda 2014

³⁶ Yakobo yasungughala, yaanenia Labani. Yaamukoba ati: “Nkoze kibi ki, era ndhiziiza musango ki, memale omingirire otyo?

Amainhama 31:36 ပူးပေါင်းရင်းမြစ်များ

Amainhama 30:2

Yakobo yaasungughalira Rakeli, yaakoba ati: “Ninze Katonda eyakwima okuzaala.”

Amainhama 31:35

Rakeli yaakoba ise ati: “Isebo, otansungughalira olw'obutasobola kwemerera mu maiso go, kuba ndi mulwaire.” Labani yaayagaaza aye yaaloba kuzuula misambwa gye egy'omu maka.

Amainhama 31:37

Waire ng'oyagaaziiza mu bintu byange byonabyona, kiki ku by'omu ndhu yo ky'ozwiremu? Kite ghano mu maiso g'aboluganda lwange n'iwe, beene batusaliregho omutuufu ku twembi.

Amainhama 34:7

Batabane ba Yakobo baira nga bava mu kyayiro. Bwe baakiwulira baanakughala era baasungughala inho, kuba Shekemu kye yali akoze eky'okukaka mughala wa Yakobo, nga kya muzizo mu Baisiraeli.

Amainhama 49:7

Obusungu bwaibwe bukolimirwe, kuba bwa kikambwe; n'ekiruyi kyaibwe kikolimirwe, kuba kikambwe. Ndibagabaniagabania mu Yakobo, ndibasansaaniza mu Isiraeli.

2 Bakyabazinga 13:19

Omuntu wa Katonda oyo Elisha yaasungughalira kyabazinga, yaamukoba ati: “Wandibaire okubye emikuzi etaanu oba mukaaga. Olwo wandibaire okubye Abasiria okutuusa lwe wandibazikiriiza. Aye mpegaano oja kubaghangula bwa mikuzi esatu gyonka.”

2 Bakyabazinga 5:11

Aye Naamani yaasungughala inho, yaaja ng'akoba ati: “Bona, mbaire ndhuuba nti anaavaayo yaidha yaayemerera ghe ndi, yeeghemba Musengwa Katonda we era yaagheegheeta n'engalo dhe aghali obulwaire, yamponia endwaire ey'ebigenge.

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Okubala 16:15

Agho Musa yaasungughala inho era yaakoba Musengwa Katonda ati: “Otasiima kigheebwayo kyaibwe kyonakyona kye banaakuleetera. Nze nzira kintu kye natoola ku bantu abo, waire endogoyi endala eti. Era ghazira waire omulala ku abo ye nakolaku akabi.”

Okubala 20:3

Abantu beemuluguunhiza Musa bati: “Kyandisinzeeku ngoli twafa, ku lule baganda baife lwe baafiira mu maiso ga Musengwa Katonda!

Mariko 3:5

Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,

1 Samueli 20:32

Yonathani yaabuuza lata we Saulo ati: “Lwaki Daudi ateekwa kufa? Kiki ky'akoze?”