Amainhama 31:34 - Baibuli Ekibono kya Katonda 2014

³⁴ Rakeli yali atoire emisambwa egy'omu maka egyo, yaagita mu nsawo ey'oku kintu ekityamibwaku ku ngamiya, yaagityamaku. Labani yaayagaaza mu weema mwonamwona, aye yaaloba kugizuula.

Amainhama 31:34 ပူးပေါင်းရင်းမြစ်များ

Amainhama 31:17

Agho Yakobo yaasitula olugendo, yaatyamya abaana be ni bakazi be ku ngamiya.

Amainhama 31:19

Labani yali ng'ajiire okusala ku ntaama obuviiri, Rakeli yaiba emisambwa gya ise egy'omu maka.

Amainhama 31:33

Kale Labani yaingira, yaayagaaza mu weema ya Yakobo, ni mu weema ya Leeya, ni mu weema ey'abairu abakazi bombi, aye yaaloba kuzuula misambwa gye. Yaava mu weema ya Leeya, yaingira mu ya Rakeli.

Amainhama 31:35

Rakeli yaakoba ise ati: “Isebo, otansungughalira olw'obutasobola kwemerera mu maiso go, kuba ndi mulwaire.” Labani yaayagaaza aye yaaloba kuzuula misambwa gye egy'omu maka.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Abalevi 15:9

Ekintu ekityamibwaku ku nsolo ali n'obulwaire obwo ky'anaatyamangaku tikiibenga kirongoofu.

Abalamuzi 18:24

Mika yairamu ati: “Muntoireku emisambwa gyange gye nakola, mwantoolaku ni kabona wange, mwatwala. Kiki kye nsigaizaagho? Olwo nga mumbuuza muti, ‘Kiki ekikutuuseeku?’ ”

1 Samueli 15:23

Obudheemu kuba kukola kibi ng'oti n'okweraguza bwe kuba, n'okwekuluntaza kuba kukola kibi ng'oti n'okusinza ebitali Katonda bwe kuba. Nga bwe waloba okukola Musengwa Katonda kye yakulagira, Musengwa Katonda yeena alobye okukuleka ku bwakyabazinga.”