Amainhama 31:24 - Baibuli Ekibono kya Katonda 2014

²⁴ Aye Katonda yaidhira Labani Omuaramea obwire mu kirooto, yaamukoba ati: “Weegendereze olobe kubaaku kintu kyonakyona ky'okoba Yakobo, kya kumutiisatiisa.”

Amainhama 31:24 ပူးပေါင်းရင်းမြစ်များ

Amainhama 20:3

Aye Katonda yaabonekera Abimeleki mu kirooto obwire, yaamukoba ati: “Bona, oidha kufa olw'okutwala omukazi oyo, kuba muka musaadha.”

Amainhama 20:6

Katonda yaamwiramu mu kirooto ati: “Ndidhi ng'ekyo wakikoze mu mwoyo mulungi, era nga ninze nkulobeire okukola ekibi ye ndi, kale kye naviire ni ndoba okukuganha okumugemaku.

Amainhama 24:50

Agho Labani ni Bethueli bairamu bati: “Ekyo kiviire wa Musengwa Katonda. Ife titughanga kubaaku ni kye tusalagho.

Amainhama 28:5

Kale, Isaaka yaasindika Yakobo e Paddanarama ewa Labani. Labani oyo n'eyali mutabane wa Bethueli Omuarami era mwanhina Rebekka, inhina wa Esau ni Yakobo.

Amainhama 31:10

“Mu biseera ensolo mwe dhighakira, okuja okulinga nti nga mbona mu kirooto embuzi enume edhaali dhiri kuniina ku nkazi; dhaali edh'emyalaala, edh'obudholodhondho n'edha bitanga.

Amainhama 31:11

Malaika wa Katonda yandheta ati, ‘Yakobo!’ Naavugira nti, ‘Ndi ghano!’

Amainhama 31:23

Labani yaaja n'ab'ekika kye, yaabingirira Yakobo, olugendo lwa nnaku musanvu, yaamutuukaku mu nsi ey'ensozi, Gileadi.

Amainhama 31:25

Labani bweyatuuka ku Yakobo, Yakobo yali ng'asimbye weema ye mu nsi ey'ensozi. Labani yeena yaasimba eyo weema ye n'ab'ekika kye.

Amainhama 31:29

Mbaire nsobola okukukolaku akabi. Aye Katonda wa lata wo yankobye obwire ati, ‘Weegendereze, olobe kubaaku kintu kyonakyona ky'okoba Yakobo, kya kumutiisatiisa.’

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Amainhama 31:7

Aye iseimwe yanguyaguya, yaakyusakyusa empeera yange emikuzi ikumi, aye Katonda yaaloba kumuganha kunkolaku kabi.

Amainhama 40:5

Lwali lulala obwire, omusenero yaaloota ekirooto, n'omufumbi yeena yaaloota, aye nga buli kirooto kiri n'amakulu maawufu.

Amainhama 41:1

Emyaka ebiri emirambirira bwe gyabitagho, kyabazinga yaaloota ekirooto kino: Yali ng'ayemereire ku mbali kw'omwiga Kiyira,

2 Samueli 13:22

Abusalomu yaakyagha Amunoni olw'okukaka Tamari mwanhina, era nga tayogera kintu ni Amunoni oyo, ka kibe ekirungi oba ekibi.

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Yobu 33:25

Leka omubiri gwe gwire buyaaka ng'oti gwa mwana muto, airemu amaani ng'ag'omu buvubuka bwe.’

Isaia 37:29

Mmaze okuwulira nga bw'oneedundeekezaaku, era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.’ ”

Hosea 12:12

Yakobo yalumukira mu nsi Aramu, yaatuuka eyo yaayayiranga omuntu entaama, ng'apakasa asobole okufuna omukazi.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Okubala 22:20

Obwire obwo Katonda yaidha yaakoba Balaamu ati: “Oba nga abantu abo baidhie kukweta, situka oje nabo. Aye kye nnaakukoba okukola kyonka ky'onaakola.”

Okubala 22:26

Agho malaika wa Musengwa Katonda yaaja emberi, yaayemerera aghanhigirivu nga ghazira luuyi lw'osobola kukyukiraku.

Okubala 24:13

‘Waire Balaki ampa endhu ye ng'eidhwire feeza ni zaabu, tighanga kuva ku kiragiro kya Musengwa Katonda, ni nkola kyange ku bwange, ka kibe ekirungi oba ekibi? Era nti, Musengwa ky'anankoba kyonka kye ndidha okwogera?’

Matayo 1:20

Aye aba akaalowooza ekyo, malaika wa Musengwa yaamubonekera mu kirooto yaamukoba ati: “Yosefu omwana wa Daudi, otatya kutwala Maria abe mukazi wo, kuba ky'alinda kya Mwoyo Mutukuvu.

Matayo 2:12

Era nga bwe baalabulwa mu kirooto obutaira wa Herode, baagema engira eyindi okuja mu nsi ey'ewaibwe.

Matayo 27:19

Mperaano, Pilato bwe yali ng'atyaime ku kityamo kye eky'obulamuzi, mukazi we yaamutumira obukwenda nga bukoba buti: “Omuntu oyo azira musango otaba ni ky'omukola kuba ebintu by'oyo kamaala byandaaziiza mu kirooto.”

Amateeka Agokubiri 26:5

“Olwo aidha kwogeranga ebibono bino mu maiso ga Musengwa Katonda wo, oti, Dhaadha wange yali Muaramea ng'atambulatambula eyo atyo. Yaja e Misiri yaaba eyo n'ab'omu maka ge abataali bangi naire. Aye bwe baatuuka eyo baayala, baafuuka eighanga eikologho ery'amaani.