Amainhama 31:12 - Baibuli Ekibono kya Katonda 2014

¹² Yankoba ati, ‘Bona, embuzi dhoonadhoona enume edhiri kuniina ku nkazi, dha myalaala, n'edh'obudholodhondho, era n'edha bitanga; kuba mboine byonabyona Labani by'ali kukukola.

Amainhama 31:12 ပူးပေါင်းရင်းမြစ်များ

Amainhama 31:10

“Mu biseera ensolo mwe dhighakira, okuja okulinga nti nga mbona mu kirooto embuzi enume edhaali dhiri kuniina ku nkazi; dhaali edh'emyalaala, edh'obudholodhondho n'edha bitanga.

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 12:5

Aye Musengwa Katonda akoba ati: “Leka ndidhe, kuba abakozi b'ebibi badaazadaaza abaavu era baakiriga abaghafu. Ndidha kukuuma abaavu n'abaghafu abo, kuba ekyo kye beegomba.”

Zabbuli 139:3

Ombona nga ndi kutambula oba nga ndi kulambaala; ghazira kye nkola ky'otaidhi.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Okuvaayo 3:9

Bwenebwene okulira okw'abantu bange Abaisiraeli kuntuuseeku, era naabona n'ensambo Abamisiri ye babatuntuzaamu.

Omulangirizi 5:8

Bw'obonanga abakungu mu ighanga nga batuntuza abaavu, baaloba kubakolera mazima, era baaloba kubakolera ebyo bye bagwaniire okukolerwa, oteewuunhianga kuba buli mukungu abaaku n'omuntu amusingaku amufuga, era n'oyo amusingaku yeena yaabaaku abamufuga.

Abalevi 19:13

“Mutanhigirizanga muntu yeenayeena, oba okumunhagaku ekikye. Empeera ey'omukozi gw'okozesa oteekwa okugimugheerangagho ku lunaku lwene olwo lw'amaze omulimo.

Ebikolwa by'Abatume 7:34

Mboine abantu bange abali mu Misiri bwe badaazibwadaazibwa, naawulira n'okulira kwaibwe, era ndidhie okubanunula. Mperaano idha, nkutume e Misiri.’

Ab'Efeso 6:9

N'imwe basengwa b'abairu, mwena mubisenga mutyo abairu baimwe, nga timubeesoomera. Mumanhe muti oyo Musengwa waibwe era owaimwe, ali mu igulu era oyo tasaliriza.

Amateeka Agokubiri 24:15

Buli lunaku lw'akoze oidhanga kumugha empeera ye ng'endhuba ekaali kugwa kuba empeera ye agyetaaga, era aba ng'ateegereire okugifuna. Bw'otaagimughenga, aidha kuliriranga Musengwa Katonda ng'akughaghabira, olwo obeeku omusango olw'ekibi ekyo.