Amainhama 30:43 - Baibuli Ekibono kya Katonda 2014

⁴³ Mu nsambo eyo Yakobo yaafuuka mukombe inho, yaaba n'ebyayo kamaala, n'abairu abakazi n'abasaadha, n'engamiya era n'endogoyi.

Amainhama 30:43 ပူးပေါင်းရင်းမြစ်များ

Amainhama 12:16

Era ku lulwe, kyabazinga yaabisa Aburamu bukalamu yaamugha entaama, n'ente, n'endogoyi enume n'enkazi, n'abairu abasaadha n'abakazi, era n'engamiya.

Amainhama 13:2

Aburamu yali mukombe inho, ng'ali n'ebyayo, ni feeza, ni zaabu.

Amainhama 24:35

Musengwa Katonda yagha musengwa wange Aburahamu enkabi edhitaloodheka, yaamufuula mukombe inho. Yamugha ebyayo kamaala: ente, embuzi n'entaama. Era yaamugha feeza ni zaabu, n'abairu abasaadha n'abakazi, n'engamiya era n'endogoyi.

Amainhama 28:15

Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 30:30

Kuba wali na bitono nga nkaali kwidha, aye mpegaano byeyongeire inho, era Musengwa Katonda yakugha enkabi ku lwange. Aye olwo mpegaano nze ndifuna li zeena eby'amaka agange.”

Amainhama 30:42

Aye ensolo enafu bwe dhaabanga nga n'edhiri kughaka, nga tataayo nsaga. Kale ensolo enafu edhaazaalibwanga dhaabanga dha Labani, ate edh'amaani dhaabanga dha Yakobo.

Amainhama 31:1

Agho Yakobo yaawulira batabane ba Labani nga bakoba bati: “Yakobo atwaire ebyayo byonabyona ebyali ebya iseife. Era mu ebyo mw'afuniire obukombe obwo bwonabwona.”

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

Amainhama 32:14

nga n'omuli embuzi enkazi ebikumi bibiri, n'enume amakumi abiri entaama enkazi ebikumi bibiri, n'enume amakumi abiri.

Amainhama 32:5

Era ndi n'ente, n'endogoyi, n'ebighaso by'entaama n'embuzi, era n'abairu abasaadha n'abakazi. Nkutumiire okukukobera, musengwa wange, ongemerwe ekivunika.’ ”

Amainhama 33:11

Nkweghembye, ganha otwale ekirabo kino kye nkuleeteire, kuba Katonda yangemerwa ekivunika yampa byonabyona bye neetaaga.” Yakobo yaayongera okumweghemba okutuusa Esau lwe yaganha.

Amainhama 36:7

Kuba baali n'ebintu kamaala inho, nga tibasobola kuba ghalala. Ensi ye baabangamu yali nga tekaabamala olw'ebyayo ebingi bye baali nabyo.

Omulangirizi 2:7

Naagula abairu abasaadha n'abakazi, era n'abairu abandi baabazaalira mu maka gange. Naaba n'ebyayo kamaala, omuli ente n'entaama n'embuzi, naasinga n'abo boonaboona abansooka okuba mu Yerusalemu.

Ezekieli 39:10

Kale kiriba tikikaabeetaagisa kuja mu nsiko kugherera nku, waire okuja mu kibira okutemerera emiti kuba eby'okulwanisa ebyo n'ebiriba enku. Balinhagulula ebintu by'abazigu baibwe abo beene abaabanhagaku ebyaibwe, baabibatoolaku baabitwala ng'omunhago.” Musengwa Katonda n'akobye.

Luka 12:45

Aye omugheereza oyo bw'akoba mu mwoyo gwe ati, ‘Musengwa aidha kulwagho okutuuka,’ n'atoolera okukubakuba abairu abasaadha n'abakazi, n'alya era n'anhwa n'okutamiira n'atamiira,