Amainhama 30:39 - Baibuli Ekibono kya Katonda 2014

³⁹ Kale ensolo bwe dhaaghakanga nga dhiringiriire ensaga edho, nga dhizaala obwana obulimu emyalaala n'obulimu ebitanga, n'obulimu obudholodhondho.

Amainhama 30:39 ပူးပေါင်းရင်းမြစ်များ

Amainhama 30:38

Ensaga edho dh'asisibwire, yaadhisimba emberi w'ensolo aghali ebintu ensolo mwe dhinhwera, kuba ensolo dhaaghakanga nga dhiidhye okunhwa.

Amainhama 30:40

Yakobo yaayawula entaama ku mbuzi, yaadhiringiriza ensolo edh'emyalaala n'endhirugavu dhoonadhoona edh'omu lugo lwa Labani. Mu nsambo eyo yazaalagania ebyayo bye, era yaaloba kubiyimba na bya Labani.

Amainhama 31:38

Mu myaka egyo amakumi abiri gye mbaire n'iwe, entaama dho n'embuzi dho enkazi tidhisondholangaku, era enume edhiba mu byayo byo, ghazira waire ndala ye ndyangaku.

Amainhama 31:40

Kale omusana gwampwerangaku, ate obwire empewo yanfuuwanga, era endoolo dhambulanga mu maiso.

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Amainhama 31:8

Iseimwe oyo bweyakobanga ati, ‘Ensolo edh'obudholodhondho n'edhinaaba empeera yo,’ ng'olwo ensolo dhoonadhoona dhizaala dha budholodhondho. Ate bweyakobanga ati, ‘Edh'emyalaala n'edhinaaba empeera yo,’ ng'olwo dhoonadhoona dhizaala dha myalaala.